DILI (timorpost.com) – Organizasaun Sosiedade Sívil Luta Hamutuk, husu Primeiru Ministru, Taur Matan Ruak, atu halakon Lei Pensaun Vitalísia.
Diretór Luta Hamutuk, José Alves da Costa, hatete Partidu Libertasaun Popular (PLP), rasik momentu ne’ebá iha kompromisiu atu halakon Lei Pensaun Vitalísia ne’e.
“Ami hakarak mantein ida ne’e liuliu ba Deputadu sira iha Parlamentu Nasionál, tanba Lei ne’e nia benefisiu laiha”, nia hateten ba Timor Post iha Salaun Katedral Vila-Verde, Tersa (31/01).
Nia dehan, Lei ne’e tenke halakon no impaktu negativu ba sira laiha tanba sira la ki’ak tan de’it halakon Lei Vitalísia, sira iha saláriu boot, previlejiu oi-oin no sira mós iha idade ne’ebé produtivu.
Alende ne’e nia mós dehan, Timor-Leste la’ós nasaun produtor, maibé nasaun konsumidor ne’ebé gasta orsamentu jerál estadu, kuaze 80% sai ba li’ur laiha rendimentu ne’ebé los no aplika tan Lei Pensaun Vitalísia nafatin, no la hanoin jerasaun futuru ne’ebé sei mai.
Tan ne’e nia husu ba Deputadu sira ho konsiensia moral, katak Pensaun Vitalísia tenke hasai no labele fila fali ba seguransa sosiál, tanba Lei seguransa ne’e rasik mós iha.
1,151 total views, 15 views today
