DILI (timorpost.com) – Lider Karizmátiku Kay Rala Xanana Gusmão, husu Estadu atu kria kondisaun ba uma-kain-7 ne’ebé Tribunal deside hasai obrigatóriu iha suku Bekora, Adeia Buskuse karik, Postu Administrativu Kristu Rei, Munisípiu Dili.
“Ita hatene Lei, mais la bele duni sira hanesan animál, tanba lei ne’e estadu nian ka ba ema, tanba ne’e ha’u mai tuur iha ne’e, sira mai sobu lai, ha’u so lao ho sira uma ruma ne’ebé Estadu fó karik,” dehan Xanana iha Bekora, Tersa (31/01).
Nia dehan, nia presenza kontinua iha ne’e, tanba horisehik iha loron Segunda (30/01) vitiyma uma-kain-7 ne’e ba iha nia rezidénsia dehan husi terras propriedade ho Polisia hasai hotu sira nia sasán no duni sira husi ne’e, tanba ne’e nia mai.
“Ha’u rona kona-ba problema ne’e, ama ferik sira ne’e hela iha ne’e tinan 46, senhor Vicente Vedigal, iha tempu ne’ebá fó rai ba sira hela,” nia konta.
Nia parte kontinua hein, vítima uma kain-7 nia fatin, tanba desizaun Tribunál nian, maibé tenke perpara fatin ba sira, agora hasai sira atu ba hela ne’ebé.
Enkuantu tuir informasaun ne’ebé Timor Post asesu husi membru Polisia balun katak iha oras tuku 08:00, Líder Nasionál Kay Rala Xanana Gusmão, to’o ona iha uma kain-7 ne’e nia fatin Bekuse.
1,687 total views, 9 views today
