ADVERTISEMENT

Tribunal Distritál Baukau Falta Fasilidade

Mario da Costa - Justisa
Jornalista : Cardenio Alves
Editor : Mario da Costa
  • Share
Vise Prezidente Parlamentu Nasional, Luis Roberto, Imajen Esp.

DILI (timorpost.com) — Reprezentante Povu iha Parlamentu Nasionál (PN), preokupa Tribunal Distritál Baukau (TDB) falta fasilidade servisu.

Vise Prezidente Parlamentu, Luis Roberto, husu Governu sentrál atu responde preokupasaun sira hosi Tribunál Distritál Baukau nian liuliu fasilidade servisu hodi halo atendimentu ba públiku.

ADVERTISEMENT
SCROLL FILA BA NOTISIA


“Ita haree iha Munisípiu Baukau kazu krime aas liu, munisípiu sira seluk, maibé Defensór Públiku sira iha ne’ebá laiha liu fasilidade atu aguenta servisu loron-loron,” nia hateten iha PN, Tersa (27/09).

Lee Mós :
Arsebispu Dili no Bispu Na’in-Rua Presta Omenajen ba Saudoza Isabel Ferreira

Nia dehan, fasilidade servisu ne’ebé Tribunal Distritál Baukau, presiza mak hanesan karreta, komputadór, mákina foto kopia, tanba prosesa dadus ruma, hakerek ho manual, la’ós eletróniku.

“Ita-nia hakarak servisu atendimentu públika labele iha problema, maibé fasilidade laiha oinsá mak prosesu sira ne’e bele la’o ho di’ak,” nia subliña.

Lee Mós :
SEI Promove Feto Poténsia Iha Area Judisiária

Situasaun sira ne’e bele afeta ba sira atu hala’o servisu ho sériu, nune’e Governu presiza toma atensaun, hodi buka meius ida atu solusiona problema refere.

Nia dehan, Governu agora atu reforma sistema justisa iha Timor-Leste, maibé pratikamente ukun an iha tinan ruanulu (20) ona, maibé iha setór balun sei halerik hela fasilidade, oinsá mak nasaun bele avansa.

Lee Mós :
Deskonfia Ema Estranjeiru Uza Pasaporte Timor

Tanba ne’e nia husu ba Governu atu projeta mehi justisa ne’e ho di’ak, no mós husu ba ministériu justisa atu tau atensaun hodi kompleta fasilidade ne’ebé falta iha Tribunal Distritál Baukau, hodi moderniza servisu atendimentu públiku.

 1,638 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Tribunal Distritál Baukau Falta Fasilidade” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No