DILI (Timor Post) – Relasioina ho desizaun Tribunal Distritál Dili (TDD), nia hodi fó de’it termu identidade rezidensia (TIR), ba suspeitu kazu droga, Movimentu Universitária Timor-Leste (MUTL), sei mobiliza masa hodi halo demostrasaun.
“Problema agora ne’e iha Tribunál tanba sira mak liberta tiha ema na’in-9 ne’e no sira fó de’it TIR ba autór sira ne’e,” dehan Portavoz MUTL, Cristalino Amaral, liuhusi Konferénsia Imprensa ne’ebé realiza iha UNTL, Kinta (18/08).
Nia reforsa, ho ida ne’e husi MUTL hamriik hakarak hatete ba públiku katak, ida ne’e krime no sira ne’e la’ós vítima ne’ebé tuir deklarasaun Tribunál no advogadu sira nian.
“Se sira mak vítima entaun Tribunál bele deklara sai to’ok ba públiku sira supeitu ne’e mak ida ne’ebé no autór loloos ne’e mak se, sira tenke ko’alia sai, tanba ne’e agora ami fó sala ba Tribunál” hateten nia.
Nia afirma, se kazu ne’e mak la kontinua, sira sei mobiliza masa husi territóriu tomak hodi halo demostrasaun hasoru Justisa ka Tribunál iha Timor-Leste.
“Ami fó prazu loron tolu de’it kaundu kazu ne’e la kontinua, ami sei mobiliza povu tomak hodi halo demostrasaun hasoru injustisa ida ne’e, tanba Tribunál fó tempu 15 dias maibé ami fó tempu loron tolu de’it,” nia subliña.
Tanba dalan mak ida ne’e, tenke mobiliza povu tomak hodi halo demoatrasaun hasoru Tribunál.
1,828 total views, 3 views today
Bele hare Video Seluk :