ADVERTISEMENT

Vise PN Lamenta ho Desizaun TDD ba Kazu Droga

Mario da Costa - Justisa
Jornalista : Cardenio Alves
Editor : Mario da Costa
  • Share
Vise Prezidente Parlamentu, Maria Angelina Sarmento, Imajen TP/Cardenio Alves

DILI (Timor Post) – Vise Prezidente Parlamentu Nasionál (PN), Maria Angelina Lopes, lamenta ho desizaun hosi Tribunál Distritál Dili (TDD) nian ba kazu droga ne’ebé komete hosi sidadaun na’in-9 foin lalais ne’e.

Nia hatete, Órgaun Jurídika hanesan Tribunal presiza lori Kazu ne’e tuir Lei haruka, labele konsidera Kazu konsumu droga ne’e sai hanesan problema bain-bain, tanba droga ne’e bele kria negativa moris ba ema hot-hotu nia futuru.

ADVERTISEMENT
SCROLL FILA BA NOTISIA


“Ita hotu akompaña ba arguidu na’in-sia (9), ne’ebé konsumu droga, tuir medida de koasaun ne’ebé Tribunal ka Órgaun Jurídika foti,” nia hateten iha PN, Kuarta (17/08).

Lee Mós :
KAK ho EUA Fahe Esperiénsia Oinsa Kombate Korrupsaun

Nia dehan, sosiedade nia intervensaun ne’e ba pena ne’ebé sira hetan, no Kazu ida ne’e la’ós pena, ne’e medida koasaun temporáriu atu fó biban ba ministériu públiku hodi haree problema konsumidór sira ne’e.

Prosesu ida ne’ebé deside iha primeira jnterogatóriu ne’e seidauk final, tanba nia medida de koasaun Termu Identidade Rezidénsia (TIR), rekoñese sira fila ba Uma, Maibé Kazu atu prosesa ba oin ne’e kontinua nafatin.

Nia dehan, julgamentu tuir mai, bainhira Ministériu Públiku defende nia teze ne’ebé nia konsege rekolla no evidénsia ne’ebé nia foti, depois prosesu fin mak fó pena ka sentensa ba sira.

Lee Mós :
Estadu-Governu Tenke Sériu ho Kazu Droga no JB Mate Iha Sela

“Medida Koasaun oin-oin bele iha Termu Identidade Rezidénsia (TIR), Aprezentasaun Periódika (AP), Prizaun Preventiva (PP), Maibé Tribunal fó fali TIR ba Kazu refere, Ita konsidera Kazu ne’e hanesan bain-bain,” nia lamenta.

Nia dehan, iha Timor-Leste mak fó medida koasaun hanesan TIR, maibé kompara ho nasaun sira seluk ne’e fó medidas ne’ebé todan, tanba sei haree ho problema ne’ebé kaman no todan.

Parlamentu Nasionál propoin ba Ministériu Públiku halo rekursu ba medida koasaun, la’ós halo rekursu ba desizaun sentensa ba sira.

Nia esplika, kazu hanesan droga ne’e kazu todan ba Estadu Timor-Leste, nune’e atu deside juis labele ida de’it, maibé tenke koletiva.

Lee Mós :
Kazu Droga, Komisaun B Seidauk Simu Informasaun Hosi TDD

“Hanesan polítika la’ós adianta ba direitu órgaun jurídika ninian, maibé ita mós iha devér no moral atu fó hanoin ba Tribunál nu’udar órgaun ida independente, presiza haree no dignifika ho seriedade ba lei kódigu sivíl no penal, atu deside kazu ida ne’e tuir justisa no legal,” nia hakotu.

 1,882 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Vise PN Lamenta ho Desizaun TDD ba Kazu Droga” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No