DILI—Primeiru Ministru Taur Matan Ruak hatete, orgullu hafoin Prezidente Repúblika Francisco Guterres Lú Olo dekreta estadu emerjénsia iha loron 28/03/2020, nia ho ekipa sira marka fali prezensa iha Parlamentu Nasionál hodi hodi halo relatóriu durante loron 19 nian.
“Ho onra, orgullu ami fila-fali mai Nai Deputadu sira tuir kestoens sira ne’ebé ami foin mak simu, no seluk tan, purke iha idea jeral ida kona-ba saida mak ita halo, difkuldade saida mak ita hetan, prespetiva ba oin ne’e halo oinsá,” Taur hatete iha loron 16/04/2020, iha nia intervensaun iha Uma Fukun Parlamentu Nasionál iha sesaun aprejentasaun relatóriu durante aplikasaun estadu emerjénsia ba luta kontra atake moras da’et corona (COVID-19).
Taur dehan, ho rekursu ne’ebé Timor Leste iha bele hakbiit aan halo buat ne’ebé bele no la’ós tuir hakarak ema ida-idak nian.
Governu taka total ona fronteira terrestre no operasaun aviaun sira, maibé sei iha nafatin atividade klandestina husi timoroan sira maske ho númiru ki’ik tenke iha nafatin seriedade husi autoridade sir aba kombate hodi nune’e fó biban ba atendimentu iha rai laran.
Taur dehan, atake virus corona hanesan los funu ida invezivel iha mundu tomak. Nasaun hotu rekorre meius hotu para kapasita an atu kombate moras ida ne’e inklui toma medidas drastiku hanesan limita ema nia direitu sirkulasaun, direitu ba liberdade, reuniaun no manifestasaun.
“Ida ne’e inklui mós ita Timor Leste. Mezmu hanesan ne’e, rejultadu infetadu iha mundu tomak ultrapasa 247.731 to’o ohin dader. Iha númiru ida ne’e. 133.354 mak mate,” Taur dehan.
Tanba ne’e, Taur salienta, kombate ida ne’e sai difisil liu tan kuandu la’ós de’it atu halo esforsu para ema labele mate, maibé impaktu ekonómiku no sosial drastiku tebtebes.
Taur dehan, impaktu sira ne’e, ba Timor Leste la sees. Tuir senáriu otimista, ita nia esforsu tomak hakarak zero óbitus, maibé ita oitu infetadus, ida rekopera. Mas na’in hitu agora iha izolamentu. (cao)
708 total views, 3 views today
Bele hare Video Seluk :
Subscribe to Timorpost
