DILI (timorpost.com) – Tanba sona malu iha Domingu (19/03/2023), iha Aldeia Kulau, Suku Bekora, Sub-Distritu Kristu-Rei, Munisípiu Dili, mais ou menus oras tuku 10:00 kalan, rezulta joven nain-rua kanek grave no nain-ida lakon vida.
Tuir informasaun ne’ebé Timor Post, asesu katak akontesimentu ne’e husi grupu Arte Rituais 77 ho Arte Marsial IKS-PTL (Ikata Keluarga Silat Putra Timor-Leste).
Daudaun ne’e vítima nain-rua ne’ebé mak hetan kanek grave ne’e evakua ona ba iha Hospital Nasionál Guido Valadares (HNGV), inklui mós vítima ida ne’ebé mate.
Tuir informasaun ne’ebé iha, katak vítima ida ne’ebé mate iha fatin akontesimentu ne’e husi grupu arte marsiais IKS-PTL nian.
Husi akontesimentu ida ne’e mós rezulta uma kos rua hetan sunu no estragus, maibé kauza husu akontesimentu ka kronolojia ba problema refere seidauk hatene klaru.
Iha mós informasau, katak agora parte seguransa liuliu Polísia Nasionál Timor-Leste (PNTL), to’o ona fatin akontesimentu hodi hakalma situasaun ne’e.
Nune’e mós informasaun ne’ebé espalla, vítima nain-tolu ida mate no rua seluk hetan kanek grave ne’e sona husi ema na’in ida de’it.
Maibé, to’o notísia ne’e públika, kona-ba suspeitu ne’ebé sona vítima nain-tolu ne’e, Timor Post seidauk hetan informasaun klaru katak PNTL halo ona kapturasaun.
20,673 total views, 3 views today
Bele hare Video Seluk :
Subscribe to Timorpost
