DILI (Timor post.com) – Tanba atu hametin relasaun bilaterál, Primeiru Ministru, Taur Matan Ruak, halo vizita ba Australia.
Tuir komunikadu ne’ebé Timor Post asesu, iha Segunda (06/02), oras tuku 03:00, Primeiru Ministru (PM), Taur Matan Ruak, hatete dezloka ba Commonwealth Austrália, ofisiálmente dahuluk ba rai li’ur (abroad), hodi ko’alia kona-bá hametin relasaun bilaterál entre Timor-Leste ho Australia nu’udar nasaun viziñu ida iha Asia Pasifika.
“Primeiru Ministru halo vizita hahú iha loron 6 to’o 9 fulan-Fevereiru tinan 2023 ne’e ho objetivu atu hametin liután relasaun bilateral no kooperasaun ho Austrália no Timor-Leste hanesan País viziñu,” nia hateten husi Primeiru Ministru, Taur Matan Ruak, iha media públiku, Segunda (06/02).
Nia dehan, objetivu vizita ne’e nian mós atu agradese ba Governu no povu Australianu sira, liuliu ba sira-nia apoiu no jenerozidade ba Governu Timor-Leste durante mandatu VIII Governu Konstitusionál nian.
Tanba durante iha situasaun COVID-19, solidária vasina no lori doutór espesialista sira mai Timor-Leste, inklui mós apoiu ba kalamidade ne’ebé akontese iha tinan 2020 no 2021.
“Ita sei hasoru ho estadu Austrália no Governu Timor mós sei hasoru malu ho nia omólogu Australianu, Anthony Albanese, ne’ebé sei halo enkontru kortezia ho Governadór Jerál, David Hurley, no personalidade importante sira seluk nasaun Australia nian.
Vizita ida ne’e loloos hala’o iha fulan-Fevereiru tinan 2022, maibé tanba Sua Exelénsia Primeiru Ministru, pozitivu tiha COVID-19, nune’e vizita refere adia tiha no foin bele realiza fali.
Tanba ne’e iha vizita ne’e, refere Xefe Governu sei hetan akompañamentu hosi Ministra Negósiu Estranjeiru no Kooperasaun, (MNEK), Adaljiza Magno, nune’e fiar katak objetivu sira ne’e sei la’o ho di’ak.
774 total views, 6 views today
