ADVERTISEMENT

Amito Araújo Eleitu Reprezenta Jornalista iha Konsellu Imprensa

Mario da Costa - Jeral
Jornalista : Estaziadu Mariano Abi
Editor : Mario da Costa
  • Share
Amito Araújo, imajen TP/Estaziadu Mariano Abi

DILI (timorpost.com) — Konsellu Imprensa (KI) hamutuk ho Asosiasaun Jornalista Timor-Leste (AJTL), Sesta (27/01), realiza konferénsia ho tema “Hili Kandidatu Foun ba Restante Mandatu iha Periodu 2021-2025”.

Konferénsia ne’e iha Jornalista senior na’in-rua hanesan Amito Araújo ho Lirio Fonseca, mak kompete atu reprezenta jornalista sira iha Konsellu Imprensa.

ADVERTISEMENT
SCROLL FILA BA NOTISIA


Portantu iha votasaun ba kandidatu Na’in-2 ne’e, hosi totál votante ne’ebé halo votasaun hamutuk 105, konsege hatudu rezultadu Amito Araújo, mak lidera ho votu 66 no Lirio Fonseca, derrota ho de’it votu 38 no votu Nulu 1.

Hafoin rona rezultadu, Kandidatura Eleitu, Amito Araújo, hatete ohin rezultadu mak oras ne’e daudauk hotu-hotu rona tiha ona, ida ne’e la signifika kompetisaun entre kandidatu ida ho kandidatu seluk, maibé ida ne’e hatudu ba públiku katak, média ho Jornalista la’ós ko’alia no hakerek de’it kona-ba notísia, maibé bele garantia mós demokrásia.

“Ha’u fó ha’u-nia konfiansa ba kolega Jornalista sira hotu, para bele fó ita boot sira-nia apóiu nafatin hamutuk ho konseleru sira seluk no mós estrutura husi KI nian, para ita bele garantia nafatin Liberdade Imprensa no Liberdade Espresaun ba oin nafatin,” nia hateten iha Delta Nova.

Lee Mós :
MVF Hasa’e Kapasidade Servisu Doméstika ba Mane

Nune’e nia garantia, katak ba oin lalika repete ka hetan ameasa husi entidades oi-oin, liuliu ba iha Jornalista sira-nia produtu ne’ebé durante ne’e hala’o atividade Jornalizmu nian.

“Ba entidade sira hotu no mós ba Prezidente Interinu husi Konsellu Ezekutivu KI nian, ha’u sei la ko’alia barak, karik ha’u-nia liafuan mak sé hakotu iha ne’e no ha’u iha prinsipiu ida, katak husik ita nonok hodi halo serbisu, depois rezultadu mak bele hatudu ba públiku,” nia afirma.

Nia aumenta, dala ida tan husu deskulpa ua’in, ba apoiantes maun Lirio Fonseca nian, karik iha kampaña iha liafuan ruma naksalak, reprezenta Jornalista sira no ekipa sira hato’o deskulpa ba hotu-hotu ne’ebé iha ne’e.

“Ita nu’udar umana nunka sees husi sala, karik Natureza Demokrásia mak nune’e ita bele hato’o ita-nia sujestaun, diverjensia maibé ita nafatin ho prinsípiu ida maka ita hamahan aan iha Jornalista,” nia hateten.

Lee Mós :
Timor-Leste sem retorno económico a curto e médio prazo

Antes hakotu, nia hato’o obrigadu barak no nia konsidera ida ne’e susesu ida la’ós ba nia mesak de’it, maibé ba ema hotu-hotu sei laiha separasaun entre jornalista ida ba jornalista sira seluk.

Iha fatin hanesan Prezidente Interinu KI, Francisco Belo Simões, hatete iha biban ne’e hakarak hato’o parabéns ba AJTL ne’ebé hamutuk ho KI hodi organiza Konferénsia ne’e hodi hili membru ida para ba subtitui fali Virgílio Guterres nia fatin hanesan Prezidente KI hodi reprezenta Jornalista Timor-Leste.

“Mezmu prosesu ne’e husi AJTL mais reprezentasaun iha KI ne’e, la’ós AJTL maibé reprezenta Jornalista Timor Lorosa’e, ida ne’e mak hakarak atu reafirma tan katak, maun Amito nia fatin hodi subtitui maun Virgílio Guterres, la’ós reprezenta AJTL de’it, maibé reprezenta Jornalista Timoroan hotu ne’ebé hala’o knaar hanesan Jornalista,” nia informa.

Nia subliña, hakarak fó parabéns mós ba Lirio Fonseca, hanesan fundadór AJTL ne’ebé ho korrajen, ho dedikasaun, ne’ebé kandidatu ona iha prosesu ne’e, atu dehan de’it katak, prosesu ne’e laiha ida lakon no laiha ida manán, se lakon hotu-hotu mós lakon, se manán hotu-hotu mak manán.

Lee Mós :
Arcebispo preocupado com coronavírus

“Maun Amito Araújo ba mós sei reprezenta hotu maun Lirio Fonseca ou maun Lirio Fonseca, mak ba mós sei reprezenta maun Amito Araújo, tanba buat ne’ebé Maun Amito reprezenta ne’e Jornalista hotu no maun Lirio Fonseca mós hanesan Jornalista ida,” nia argumenta.

Prezidente Interinu KI, ne’e haktuir Amito Araújo, mós sei hamutuk ho Francisco Belo Simões, tanba nia hanesan reprezenta Jornalista ida, ne’ebé liuhusi prosesu eleisaun ne’e husi Timor-Leste Press Uniaun (TLPU).

“Mai ita hamutuk tane no serbí de’it ba Liberdade Imprensa no Liberdade Espresaun, buat ne’ebé ha’u hakarak enkoraja kolega sira liuliu kolega Jornalista sira no média na’in sira, atu oinsá ita hatuur Independénsia Editorial no Jornalista sira nian,” nia hakotu.

 3,399 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Amito Araújo Eleitu Reprezenta Jornalista iha K…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No