ADVERTISEMENT

Hafasil Informasaun ba Pasajeiru, APORTIL Lansa Portal Ofisiál

Mario da Costa - Jeral
Jornalista : Estaziada Ermelinda Caet
Editor : Mario da Costa
  • Share
Foto Hamutuk hafoin lansamentu Website Portal APORTIL, Imajen TP/Estaziada Ermelinda Caet

Dili (timorpost.com) – Atu hafasil informasaun ba pasajeiru Dili-Oe-kusi no Atauru, Administrasaun Portuáriu Timor-Leste (APORTIL), Kuarta (11/01), halo ona lansamentu ba website portal ofisiál.

Prezidente Konsellu Administrasaun Autoridade Portuáriu Timor-Leste (APORTIL), Lamartinho de Oliveira, hatete serimónia ohin APORTIL halo lansamentu Website Portal APORTIL hanesan programa ida ne’ebé mai husi VIII Governu Konstitusionál nian, ne’ebé temi dehan Governu dijitalizasaun, ne’ebé pela primeira-vés lansa iha APORTIL.

ADVERTISEMENT
SCROLL FILA BA NOTISIA


“Ami haree Estadu Timor-Leste iha Ro 2, maka Berlin Nakroma ho Berlin Ramelau, Berlin Nakroma hakdasak tinan 2, tanba ne’e mak lansa Portal APORTIL ida ne’e, hodi nune’e sosiedade hotu-hotu bele asesu informasaun liuhusi ida ne’e”, nia dehan iha Sala Enkontru APORTIL, Kolmera.

Lee Mós :
Pasa Férias ba Jaco, Pasajeiru Asidente ho Karreta Bus iha Tutuala

Nia dehan, lansamentu ne’e la presiza hasai orsamentu, liuhusi sira-nia skill no forsa sira halo ona.

“Ohin lansa Portal APORTIL ida ne’e hanaran paradigma foun ka perspetiva foun, ho buat sira ne’e hotu fila-fali ba vontade ema nian no responsabilidade nasionalizmu ne’ebé nia sempre hatete nasionalizmu konstitusionál sira tenke kuda iha sira-nia fuan, neon ho laran, hodi responsavel no lori nasaun ne’e ba oin”, nia hateten.

Nia hatutan, “Ba ha’u-nia kolega sira husi munisípiu Atauru ho RAEOA ne’ebé hala’o viajen ba mai, ita-nia website lansa ona imi bele asesu informasaun iha https://www.aportil.gov.tl, sei ita la asesu informasaun dala-ruma iha difikuldade oioin,” nia informa.

Lee Mós :
Merenda Eskolár La Tuir Menu

Iha fatin hanesan Xefe Gabinete Ministériu Transporte Komunikasaun (MTK), Ilidio dos Santos, reforsa tan ohin lansamentu ida ne’e prevene atu oinsá sira bele uza sistema sira ne’ebé manual ba sistema dijitál nian.

“Entaun sistema dijitál ne’e dehan deskonfia tanba ne’e maka ita lansamentu Sistema dijitál atu nune’e ita bele evita buat sira ne’ebé labele akontese”, nia tenik.

Enkuantu Polítika Governu nian ba oin Portu sira sei sai Portu APORTIL nian, tanba ne’e Governu presiza tau atensaun sériu ba ida ne’e, hodi fasilita para ema estranjeiru sira ka Turístika sira mai husi dook sira bele asesu liuhusi portal ne’ebé iha.

“Bazeia ba taxa sira ne’ebé sei komplika regulamentu ha’u hanoin polítika Governu liuhusi Ministériu Transporte Komunikasaun nian no oinsá atu bele kria lei ba rekolla reseita hodi bele iha baze legal no rekolla reseita tuir regulamentu ne’ebé iha. Tan ne’e ita presiza hakerek no tau atensaun ba tripulante sira ne’ebé hanesan iha Ro Nakroma no Berlin Ramelau”, nia hateten.

Lee Mós :
PNTL divulga programa da instituição junto dos alunos do secundário de Díli

Ikus nia dehan, ema hotu no APORTIL sira tenke tau atensaun ba ida ne’e no oinsá fó formasaun ba tripulante sira para ba Futuru tenke prienxe rekizitu ne’ebé tuir rekizitu mundiál nian.

 2,643 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hafasil Informasaun ba Pasajeiru, APORTIL Lansa…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No