ADVERTISEMENT

Udan ho Anin Boot Rezulta Uma 69 Hetan Estragu

Mario da Costa - Jeral
Jornalista : Florindo Coluna
Editor : Mario da Costa
  • Share
Komandante Operasaun Nasionál, Autoridade Protesaun Sivíl (APS), Superintendente Assistente Polísia, Nuno Romualdo Gomes, imajen TP/Florindo Coluna.

DILI (timorpost.com) — Iha semana rua, hosi loron 20 Dezembru 2022, to’o 3 Janeiru 2023, mosu dezastre rua, anin boot ho inundasaun iha teritoriu Timor-Leste hodi estraga komunidade nia uma hamutuk 69.

Komandante Operasaun Nasionál, Autoridade Protesaun Sivíl (APS), Superintendente Assistente Polísia, Nuno Romualdo Gomes, informa ida ne’e ba jornalista, liuhosi konferénsia imprensa iha salaun ekontru APS, Kaikoli, Tersa, (03/01).

ADVERTISEMENT
SCROLL FILA BA NOTISIA


“Hanesan Komandante Operasionál, Autoridade Protesaun Sivíl hakarak informa ba ita boot sira, liuliu relasaun ba dadus dezastre, hahú hosi dia 20 Dezembru 2022 ate dia 3 Janeiru 2023, estraga komunidade nia uma hamutuk 69, iha Munisípiu balu”, nia hateten.

Lee Mós :
Timoroan Servisu iha Rai Li'ur Harii Ona Uma 1578

Nia dehan, hosi tipu dezastre Anin forte hodi estraga komunidade nia uma 36, hosi Munisípiu 10, ne’ebé ho estragu kuantidade uma diferente.

“Anin sobu uma 1 iha Atauro, Baukau Uma 1, Lautem uma 5, Likisá uma 3, Kovalima uma 1, Vikeke uma 1, Ermera uma 1, RAEOA uma 2, Aileu uma 1, Iha Bobonaru maka uma 18”, nia relata.

Lee Mós :
António da Conceição ‘Kalohan’ preocupado com OGE de 2021

Enkuantu tipu dezastre seluk fali maka Inundasaun, ne’ebé kuaza estraga komunidade nia uma hamutuk 33, ne’e akontese iha RAEOA.

“Tipu dezastre ida seluk inundasaun, ne’ebé halo kauza ba komunidade nia uma estragu hamutuk 33, ne’e akontese iha RAEOA”, Nuno hateten.

 

Durante akontesimentu dezastre, APS fó apoiu emerjénsia ba vítima sira hanesan nesesidade bázika ai-han, fasilidade dapur nian, hosi Munisípiu ida-idak fó kedas apoiu emerjénsia.

Lee Mós :
Uma Seguru Sei Harii Iha Fatin Hotu-Hotu

Nia hatutan, vítima sira ne’e balu sei kontinua utiliza sira-nia uma ne’ebé estragu, maibé sei di’ak hela, vítima balu evakua ba fatin seguru hodi hein ekipa sira tun halo asesmentu ba uma sira ne’e.

 2,168 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Udan ho Anin Boot Rezulta Uma 69 Hetan Estragu” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No