ADVERTISEMENT

Loron 01 Fulan Janeiru Sei Akontese Anin-Laloran Tasi Boot

Mario da Costa - Jeral
Jornalista : Jaime Pires
Editor : Marcos Fernandes
  • Share
Angelina Sarmento, imajen Esp.

DILI (timorpost.com) — Diresaun Nasionál Meteorolojia no Jeofízika (DNMG), apela ba komunidade sira kuidadu ba pasa ferias durante tinan foun iha área Tasi ibun sira, tanba sei akontese anin no Laloran Tasi ne’ebé mak boot.

Deklarasaun ne’e hato’o hosi Meteorolojia hosi Diresaun Nasionál Meteorolojia no Jeofízika (DNMG), Angelina Sarmento, ba Timor Post iha nia servisu fatin Merkadu-Lama, hafoin konfirma kona-ba predisaun tempu durante selebrasaun tinan foun nian.

ADVERTISEMENT
SCROLL FILA BA NOTISIA


“Atu apela ba maluk sira ne’ebé halo atividade iha parte tasi ninia DNMG hakarak fahe informasaun espesiál ba ita boot sira, katak hahú agora to’o selebra tinan foun sei akontese anin boot sei afeta ba iha laloran tasi ne’ebé mak maka’as”, dehan Meteorolojia, Angelina Sarmento.

Lee Mós :
Udan ho Anin Boot Rezulta Uma 69 Hetan Estragu

Tuir nia, tanba ne’e mak predisaun ne’ebé mak sira halo hahú hosi loron 28 ba to’o iha loron 04 Janeiru 2023 akontese udan boot ho nia intensidade hosi normál to’o moderadu inklui mós anin ho ondas tasi ne’ebé mak boot hosi 0.9 to’o fali 2.2 metru.

“Tanba ne’e mak husu ba komunidade sira ne’ebé mak halo atividade iha tasi ibun sira inklui halo viajen ruma favór ida toma atensaun ba ida ne’e”, nia hateten.

Tuir nia, tanba predisaun ne’ebé mak sira halo ne’e udan anin ho nia intensidade hosi normál ba to’o iha moderadu ne’e sei akontese kuaze territóriu tomak.

Lee Mós :
Angela: Lú-Olo ho Taur La Merese Kaer Ukun tanba Viola Konstituisaun

“Ba família no komunidade tomak ne’ebé hakarak halo atividade refreshing Ano Novo iha loron 01 no loron 02 fulan Janeiru ne’e karik, di’ak liu ba halo atividade sedu hanesan dadeer saan to’o iha meudia, tanba parte loraik tenke kuidadu-an tanba anin ho nia intensidade hosi normál to’o iha moderadu sei fó influénsia ba iha laloran tasi ne’ebé mak maka’as, tanba sei akontese hosi tuku rua ba leten”, nia apela.

Nune’e kontinua husu ba komunidade tomak nia konxiénsia bele ba haksolok ho família iha tasi ibun sira durante Ano Novo, maibé haree mós ba iha kondisaun tempu ninia.

Lee Mós :
CUAT apoia estudantes de Covalima residentes na capital com 70 sacos de arroz

“Agora daudaun ne’e ita bele dehan kondisaun tempu estremu hela, laloran tasi ne’e hosi 0.9 ba to’o iha 2.2, ne’e hatudu katak laloran tasi ne’ebé mak maka’as ho velosidade anin mós hosi kondisaun normál no moderadu, liu-liu iha parte tasi ne’e velosidade anin ne’ebé mak boot”, nia hateten.

Tuir sira-nia observasaun, sei akontese liuliu iha parte Kosta Norte ninian, hanesan iha Dili, Baukau, Manatutu, Lautem, Ataúru ho Rejiaun Administrativa Espesiál Oekusi Ambenu (RAEOA).

 1,977 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Loron 01 Fulan Janeiru Sei Akontese Anin-Lalora…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No