Dili (timorpost.com) – Atoni-oan Ajito Mauno, (27), husi Aldeia Noncican, Suku Bobometo, Postu Administivu Oe-silo, Munisípiu Rejiaun Administrativa Espesiál Oe-Kusi Ambenu (RAEOA), ohin meiudia tuku 12:00, tara aan iha area Bebonuk, Postu Administrativu Dom Aleixo.
Mate-bian, durante ne’e iha Dili, hela iha uma koos ho ferik-oan, profisaun hanesan profesór, hanorin iha eskola Institute Siénsia Saúda (ICS) Kampung Baru.
Ajito Mauno, nia fen kaben, Joanina Caet, hatete ohin taran aan ne’e nia mós sai ba servisu, ne’ebé nia mós lahatene ida.
“Durante ne’e ami laiha problema ruma no nia kondisaun normal, maibé ohin nia foti desizaun atu taran aan ha’u mós la hatene ida”, Joanina relata ho matan-been ba Timor Post online iha Mortuáriu HNGV, Sesta (09/12).
Nia haktuir, durante problema uitoan iha mais ne’e uma laran, maibé ho família ka sosiedade laiha.
“Ohin dadeer ha’u sai atu ba servisu, nia hatete ita sei fahe malu, tanba ha’u atu ba servisu, nia mós ba servisu, ne’ebé ha’u mós lahatene katak nia sai ka lae, maibé ha’u sai husi uma seidauk to’o estrada boot nia telefone dehan Nina iha ne’ebé, ha’u dehan iha dalan hela, depois nia dehan tuku 12:00 o mai fali ka lae, ha’u dehan lahatene, nia mós taka Telefone”, nia konta.
Nia hatete, agora mate-isin sei rai hela iha mortuáriu Hospital Nasionál Guido Valadares (HNGV).
“Maibé, matebian nia família sira iha Oe-kusi telefone, katak sira atu lori mate-isin ba foho, tanba nia-oan na’in-rua iha hela ne’ebá”, nia hakotu.
3,962 total views, 3 views today
Bele hare Video Seluk :