Dili (timorpost.com) – Ajensia Teknólojia Informasaun no Komunikasaun (TIC) Timor liuhusi Diresaun Identidade Úniku (IDU) halo atividade Sosializasaun programa ID Úniku ba foin sa’e sira hosi Universitáriu.
Diretór ID Uniku-TIC Timor I.P, Florindo Guterres da Costa, dehan Ajénsia TIC Timor nu’udar institutu publiku ho ninia natureza Jurídika ne’ebé iha autonomia Administrativu, orsamentu no patrimoniu rasik tuir dekretu Lei númeru 29/2017, tutela ba Primeiru-Ministru.
Ajensia TIC Timor iha misaun hodi implementa polítika no estratéjia ne’ebé aprova ona iha matéria kona-ba Teknólojia, Informasaun no Komunikasaun hodi jere rede informátika Governu nian no Entidade Públika sira seluk.
TIC Timor Institutu Públika, liuhusi Diresaun ID Úniku hahú implementa programa Identidade Úniku (IDU) ne’ebé hala’o rejistrasaun ba sidadaun Timor-Leste.
Iha prosesu implementasaun ne’e, Diresaun ID Úniku sei hala’o Sosializasaun Ba programa Identidade Úniku iha Territória laran, tanba ne’e TIC Timor hakarak hato’o pedidu ida ne’e hodi hetan autorizasaun no apoiu atividade Sosializasaun ba foon sa’e sira.
“Hanesan ita hotu hatene katak ita haree TIC Timor ohin halo sosializasaun ba programa ID Úniku, no agora sira halo planu hodi ba tan sosializasaun iha Munisípiu no Postu sira hotu”, nia dehan iha Sala Leitura Xanana Gusmão Reeding Room, Largo Lesidere, Kuarta (30/11).
Tanba ne’e sira-nia planu estratéjia ID Úniku nia objetivu maka implementa ida ne’e, sira sei buka posibilidade hotu atu garante katak dupla Indetidade labele mosu tan iha Timor-Leste.
Portantu ohin aprezenta ona katak ninian influénsia no BI sira agora uza kartaun Eleitoral nia funsaun bainhira eleisaun ba IDT sai hanesan kartaun ID kuandu presiza no asesu buat ruma hatudu ID, dala-barak instituisaun no Ajénsia sira kartaun Rua talves husu Eleitoral no ID.
Iha fatin hanesan, Diretór Ezekutivu Interinu TIC Timor, Justo Fernandes, dehan nia hanoin ohin loron nu’udar loron importante ba TIC Timor, tanba hetan oportunidade hodi halo sosializasaun ba programa ID Úniku ba foin sa’e sira iha Sala Leitura Xanana Gusmão Reeding Room Largo Lesidere.
“Sosializasaun ida ne’e atu fó konesimentu ba foin sa’e sira. Ne’ebe TIC Timor mai ho vizaun ida, ohin loron ami iha ne’e hodi ami aprezenta ba ita bo’ot sira kona-ba Identidade Úniku”, nia hakotu.
2,382 total views, 3 views today
Bele hare Video Seluk :