ADVERTISEMENT

Governu Timor-Leste Presiza Investe Barak Iha Seguransa Ai-han

Mario da Costa - Jeral
Jornalista : Mariano Abi
Editor : Mário da Costa
  • Share
Secretary - General Coordinator Scaling Up Nutrition (SUN), Gerda Verburg, Imajen TP/Mariano Abi

DILI (timorpost.com) — Gerda Verburg husi United Nation Assistant Secretary – General Coordinator Scaling Up Nutrition (SUN), husu Governu Timor-Leste (TL) atu investe barak liu tan iha seguransa ai-han nian.

Nia hatete, Timor-Leste sai ona membru SUN durante tinan rua ona, nune’e Timor-Leste sai ona hanesan parte husi membru 65 iha movimentu ne’e nia laran.

ADVERTISEMENT
SCROLL FILA BA NOTISIA


“Governu Timor-Leste halo ona serbisu barak hodi hadi’a no prevene mal-nutrisaun no investe barak liután iha seguransa ai-han no nutrisaun,” nia hateten hafoin enkontru ho Prezidente Repúblika (PR), José Ramos Horta, iha Palásiu Prezidensiál, Bairru-Pité, Tersa (29/11).

Lee Mós :
Bob Howard sugere a Timor Post um livro sobre 20º. aniversário

Nia dehan, investimentu ida ne’e hala’o serbisu hamutuk ou kolaborasaun di’ak entre Ministériu ne’ebé ligasaun ba nutrisaun seguransa ai-han, nune’e mós kolabora di’ak ho ONU, parseiru dezenvolvimentu sira hanesan doadór, setór privadu no sosiedade sivíl no nia (Gerda) haree katak iha Timor-Leste mós akadémiku, juventude sira ativu liu.

“Husi ne’e ohin ho Prezidente Repúblika, ha’u só mai fó valór tan de’it ba ninia lideransa hodi kria nasaun ida ne’e atu investe barak liu tan iha ema liu-liu iha nutrisaun. Tanba nutrisaun maka hanesan meius ida atu dezenvolve ita-nia dezenvolvimentu fíziku no kakutak, ho ida ne’e mak importante ba dezenvolvimentu nasaun nian,” Gerda relata.

Lee Mós :
Serviço de Migração sem pessoal suficiente para controlo das fronteiras

Nia subliña, tanba depois harii demokrasia ou liberdade pás iha tinan 20 nia laran, ne’e agora tempu ona atu investe iha ema, nune’e ema bele sai hanesan parte ida atu lori dezenvolvimentu sosiál ba oin.

“Ho Prezidente ami ko’alia ho prioridade sira hanesan, primeiru oinsá foku liu tan ba fó Susu been inan nian, segundu maka ai-han ne’ebé seguru, terseiru kona-ba oinsá fó valór ba ema sira ne’ebé halo pratika di’ak liu tan iha area nutrisaun seguransa ai-han nian,” nia afirma.

Lee Mós :
Koloka Militár iha Fronteira, Governu Presiza Kria Kondisaun

Nia hatutan, ne’e inklui Pre-Eskolár no mós ba merenda eskolár, nune’e mós foku ba primeiru milfias atu nune’e bele prepara didi’ak labarik sira dezenvolvimentu kakutak.

“Nune’e ha’u hanesan hela konvensidu teb-tebes ho Xefe Estadu nia lideransa atu nune’e bele lidera dezenvolvimentu ida ne’e hodi investe di’ak liu tan iha povu para lori povu ne’e ba pás no prosperidade,” Gerda hakotu.

 2,378 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Timor-Leste Presiza Investe Barak Iha S…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No