ADVERTISEMENT

ADTL Sensibiliza Informasaun Defisiénsia ba Instituisaun Média

Mario da Costa - Jeral
Jornalista : Estaziada Ermelinda Caet
Editor : Mario da Costa
  • Share
ADLT ho SEKOMS hala'o sensibilizasaun ba Media sira kona-ba Inkluzaun Defisiensia, Segunda (21/11), Imajen TP/Ermelinda Caet

Dili (timorpost.com) – Relasiona ho Selebrasaun loron mundiál ba ema ho defisiénsia ne’ebé mosu iha loron 3 Fulan Dezembru tinan 2022 ba dala-16, Asosiasaun Defisiente Timor-Leste (ADTL) hala’o Sensibilizasaun Inkluzaun Defisiénsia ba instituisaun média sira atu tulun dezamina informasaun ba públiku liuliu utiliza termus hirak ne’ebé própriu ba Ema ho defisiénsia .

Diretór Ezekutivu ADTL, Cezario da Silva, hatete atividade ida ohin sira realiza atividade briefing ka Sensibilizasaun Inkluzaun kona-ba Defisiénsia ba instituisaun media sira. Atividade ida ne’e fás-parte atividade sira ba relasiona selebrasaun loron defisiénsia, entaun loron ida ohin media briefing ne’e foku ba instituisaun media sira.

ADVERTISEMENT
SCROLL FILA BA NOTISIA


“Objetivu prinsipál husi atividade ida ne’e maka atu bele konsidera média hodi servisu hamutuk ho Asosiasaun Defisiente Timor-Leste no instituisaun diferente hotu atu tulun dezamina informasaun ba públiku liuliu uza ka utiliza termus hirak ne’ebé própriu ka dignu ba Ema ho defisiénsia”, nia hateten iha Eskritóriu ADTL, Maskarinas, Segunda (21/11).

Lee Mós :
Tribunál Indefere Pedidu MP atu Liborio Pereira Depozita Osan Rihun $50

Enkuantu sira akompaña katak tulun média nian ba asuntu defisiénsia ne’e boot teb-tebes liuliu media sira Públika kona-ba ema ho defisiénsia iha Timor-Leste liuliu dezamina informasaun ba ema ho defisiénsia ba públiku atu uza linguajen ka termus lingua ba ema ho defisiénsia.

Nia akresenta kuaze iha mudansa makas liuliu iha períodu ikus ne’e média kuaze uza linguajen sira tulun ba Asosiasaun hodi bele dezamina informasaun ba públiku, maibé iha media balun dala-ruma sira nota mós uza termus ezemplu aleijadu, termus sira ne’ebé des-motiva ema ho defisiénsia.

Situasaun sira ne’e maka sira kuaze halo observasaun iha média sira, no kuaze iha limitasaun makas, maski iha instituisaun média balun, maibé balun dala-ruma uza sensibiliza informasaun sira ne’e.

Lee Mós :
PR diz que manteve Governo em funções para resolver crise causada por covid-19

“Tanba ne’e ami konsidera katak ne’e la’ós sira mak halo hanesan ne’e, maibé dala-ruma termus ne’e maka seidauk rona no sensivel, Entaun dala-ruma sira ko’alia ho liafuan sira hanesan ne’e”, Diretór ne’e dehan.

Entretantu Sekretáriu Estadu Komunikasaun Sosiál (SEKOMS), Mericio Juvinal dos Reis “Akara”, reforsa tan nia simu konvite husi Diretór Ezekutivu ADTL hodi ba halo intervensaun badak iha ne’ebá, entaun nia apresia ho konvite ne’e. Tanba ADTL ho Governu sempre iha komunikasaun di’ak no relasaun di’ak ho sira.

“Tanba iha relasiona ho loron 3 fulan Dezembru tinan 2022, atu selebra loron mundiál ba ema ho defisiénsia, entaun aproveita atividade ohin hakarak enkoraja sidadaun hot-hotu no ita Timor hotu hahú fó apoiu ba ita-nia maluk defisiénsia sira”, nia hateten.

Nia relata, tuir dadus estátika ne’ebé iha tinan 2020, kuaze 2.9%, Timoroan ne’ebé konsidera hanesan maluk defisiénsia kompostu husi defisiénsia tilun, matan, fíziku no sel-seluk tan.

Lee Mós :
Governu Nonook, Konstrusaun Haluan Estrada Paradu

Entaun ne’e la’ós númeru ki’ik, satan iha nivel global ne’e iha 15% total iha populasaun mundu nian ne’e, entaun Governu hanoin katak labele husik ema ida iha kotuk signifika hot-hotu labele husik 2.9% Timoroan defisiénsia sira iha kotuk, tanba sira Timoroan tenke mós iha direitu hanesan ema normal, tenke fó apoiu no dezenvolve sira, servisu hanesan maluk Timoroan sira seluk, sira so fízika mak defisiénsia maibé intelektuál hanesan.

Portantu partisipa iha sensibilizasaun ne’ebe realiza hosi ADTL, ne’e mak media Online, Jornal, Radio no Televizaun sira kompostu hosi Timor Post, RTTL,EP, GMN, Dili Weekly, no sira seluk.

 1,099 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “ADTL Sensibiliza Informasaun Defisiénsia ba Ins…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No