ADVERTISEMENT

Preparasaun ElPar 2023, PR Horta Konvida CNE-STAE

Mario da Costa - Jeral
Jornalista : Mariano Abi
Editor : Mário da Costa
  • Share
Prezidente CNE ho Diretór Jerál STAE, Hadomi Hasoru Prezidente Repúblika, José Ramos Horta, Imajen TP/Mariano Abi

DILI (timorpost.com) — Atu prepara ba Eleisaun Parlamentár (ElPar), iha períodu 2023 (ElPar), Prezidente Repúblika (PR), José Ramos Horta, konvida Orgaun Eleitorál Comisaun Nasionál Eleisaun (CNE), ho Sekretariadu Tékniku Administrasaun Eleitoral (STAE).

Tuir Prezidente CNE, José Agustinho da Costa Belo, hatete sira hetan konvite husi Prezidente Repúblika no hanesan Orgaun Eleitoral kompostu husi CNE ho STAE.

ADVERTISEMENT
SCROLL FILA BA NOTISIA


“Ami mai rona Prezidente ne’ebé ligadu ho eleisaun, preparasaun CNE nian ne’ebé saida mak halo ona iha eleisaun Prezidensiál, tan ne’e saida mak prepara hadi’a iha eleisaun 2023 nian,” nia hateten hafoin enkontru ho Xefe Estadu iha Palásiu Prezidensiál, Bairru-Pité, Sesta (18/11).

Nia dehan, iha biban ne’e Prezidente ninia pergunta ba CNE ho STAE katak, imi preparadu ka lae? Entaun husi parte Orgaun Eleitoral responde katak preparadu.

“Ami sente preparadu iha buat balu ne’ebé hanesan iha kampaña ema hotu-hotu haree buat balu atu hadi’a, ami sempre dehan, hadi’a kualidade ne’e di’ak, konta ne’ebé di’ak, debate ne’ebé tenke di’ak no prosesu hotu-hotu tenke la’o tuir regras, hodi nune’e eleisaun ne’ebé asegura eleisaun ne’ebé stavel,” nia afirma.

Lee Mós :
Konsidera La Responde Ba Sentimentu, Lere Sei Buka Tempu Hasoru Direta ho Xanana

Relasiona ho antes ne’e, Prezidente Repúblika deklara ou alerta katak, karik iha eleisaun Parlamentár 2023, se partidu ruma iha kampaña la aprezenta ninia programa, sei bolu CNE.

“Di’ak, kestaun ne’e ohin Prezidente hato’o, nune’e ami hanesan Orgaun Eleitoral sei ko’alia mós ho partidu hotu-hotu, tan ne’e ita haree ba lei,” Agustinho dehan.

Nia subliña, husi ida ne’e hanesan responsavel partidu nian katak, kampaña ne’e oinsá atu haruka povu ou eleitór hodi komprende no aposta sira nia hanoin ba futuru, ne’ebé se ema hotu-hotu komprende lei hotu, sei laiha insulta malu, la julga partidu sira-nia imajen, tanba ne’e mak ema hakarak Páz no Estabilidade, nune’e karik iha partidu balu sei komete ho liafuan insulta, tuir Prezidente CNE nia hanoin katak, Eleitór sira iha diretu atu julga.

Entretantu Parte husi STAE nian liuhusi Diretór Jerál, Acilino Manuel Branco, hatete tuir nia hanoin katak hanesan mai hamutuk ho CNE, portantu kumpre ba konvite husi Prezidente Repúblika nian ne’ebé konvida Orgaun Eleitorál rua.

Lee Mós :
Resenseamentu Eleitorál Taka iha 31 Marsu

“Prezidente Repúblika hakarak hatene Orgaun Eleitorál ninia serbisu, nune’e ita informa serbisu sira ne’ebé ita hala’o tiha ona liu-liu kona-ba Eleisaun prezidente ne’ebé ita remata ona no haree prosesaun ba oin, atu saida mak ita presiza atu serbisu makaas di’ak liu tan iha eleisaun tuir mai ho susesu no Partisipasaun ne’ebé aas,” Diretór Jerál STAE, Acilino dehan.

Tanba ne’e ohin Xefe Estadu mós husu atu hamutuk hodi buka medidas foun sira balu ne’ebé bele garantia di’ak liután partisipasaun sidadaun sira nian iha eleisaun liu-liu ba iha sidadaun Timoroan sira ne’ebé estranjeiru.

“Ita haree katak iha eleisaun prezidensiál iha segunda volta nian, ita haree taxa partisipasaun sira iha primeira volta sa’e no segundu volta tuun, enatun oinsá mak bele buka hamutuk medida ne’ebé mais efetivu lori garante di’ak liután partisipasaun sidadaun sira, jeralmente iha territóriu nasionál, liu-liu ba iha maluk Timoroan sira iha rai li’ur, nune’e oinsá atu garante sira ninia diretu prosima iha eleisaun tuir mai,” nia relata.

Lee Mós :
PR Horta To'o Ona lha Istana Negara Bogor

Ho ida ne’e STAE mós informa ba planu operasaun ba iha eleisaun Parlamentár tuir mai, ne’ebé foin konklui prosesu tomak ba iha eleisaun Prezidensiál, ne’ebé durante ne’e hala’o hela resenseamentu.

“Tan ne’e, ita-nia preparasaun tomak ba iha eleisaun Parlamentár ita sei foka no lori inisia ba iha inisiu 2023, depois de orsamentu hetan promulgasaun, tanba ita -nia rezultadu levantamentu ne’ebé atu iha planu Operasionál sei konkretiza depois de OJE 2023 Promulga,” nia afirma.

Portantu buat sira ne’e hotu mak aprezenta ba Xefe Estadu, tan ne’e Xefe Estadu deseja no bom Traballu para bele serbisu hamutuk ho komponente hotu-hotu, atu garante di’ak liu tan eleisaun ne’ebé kredivel no susesu liu iha futuru.

 2,994 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Preparasaun ElPar 2023, PR Horta Konvida CNE-STAE” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No