ADVERTISEMENT

Komandu Komponente Naval Tula Boina Mariñaria ba Grumete Na’in-140

Mario da Costa - Jeral
Jornalista : Beatriz Belo
Editor : Mário da Costa
  • Share
Komandante Komponente Naval tula hela Boina Mariñaria ba Grumete nia Ulun, Sesta (18/11), imajen TP/Beatriz Belo

DILI (timorpost.com) – FALINTIL-Forsa Defeza Timor-Leste (F-FDTL), nia Komandu Komponente Naval, Sesta (18/11), tula Boina Mariñaria ba Grumete hamutuk 140, iha Hera, hafoin finaliza formasaun Bázika Mariñaria.

Enkuantu, iha serimónia enseramentu kursu formasaun bázika Mariñaria ne’e, ofisial husi Komandante komponente Naval, Capitão Mar da Guerra, Higinio das Neves.

ADVERTISEMENT
SCROLL FILA BA NOTISIA


Komandante Komponente Naval, Capitão Mar da Guerra, Higinio das Neves, iha nia diskursu, hatete ohin halo serimónia importante ida iha komponente Naval, atu transforma infantaria na’in-140 sai mariñeiru.

“Ohin loron, ita boot sira hasai ona boina infantaria no troka boina Mariñaria nian, atu servisu iha tasi leten no iha tasi laran, hodi kontrola ita-nia riku soin iha tasi laran,” nia hateten.

Ró Naval atraka iha Portu Hera, Sesta (18/11), Imajen TP/Beatriz Belo.

Nia dehan, ohin sira na’in-140 sai marineiru ne’e, signifika boot ba komponente naval, ne’ebé hahú husi ki’ikoan, maibé ohin loron aumenta boot ona, nune’e iha tempu ida komponente naval sei sae ba 1092, bele vale ba 2000, entaun hateten sei iha knaar boot atu assume iha servisu loron-loron.

Lee Mós :
Jenerál Lere: Agora Ita Labele Halimar, Krize Entre Moris no Mate

“Ha’u hakarak hatete ba soldadu sira ne’ebé muda ona ba marineiru, parabéns ba ita boot sira, sakrifisiu ne’ebé ita boot sira halo iha Metinaru, hanesan joven ba iha forsa armadas, tanba ita atu sai marineiru ne’ebé di’ak, mak liuhusi formasaun ne’ebé ita boot sira liu ona no ohin loron sai Marineiru,” nia esplika.

Nia haforsa tan, sai marneiru, la’ós hotu-hotu sai marineiru, tanba ida-idak iha nia rekezitu própriu, katak nia bele marineiru ka lae, Entaun, ohin sira na’in-7 atu sai marineiru, mais seidauk bele simu sertifikadu, maibé tinan oin mai sei fó tan oportunidade, para sira bele tuir formasaun Báziku Mariñaria ho soldadu sira iha metinaru, para depois sira bele sai Marineiru.

Lee Mós :
Membru Komponente Naval Na’in-Ualu Simu Sertifikadu

“Maibé, ohin nia boina bele troka ona, tanba nia tama ona iha komponente naval, formasaun mak la komponente to’o rohan, maibé ita sei fó oportunidade, para tinan ohin nia bele remata formasaun bázika Mariñaria nian, atu nune’e nia bele sai Marineiru,” nia enkora.

Tanba ne’e, Komandante komponente Naval, Higinio, hatete buat hotu sei la difisil no la mukit liu, kuandu iha vontade hodi bele hakas an, aprende, atu nune’e sai forsa ida ne’ebé forti, dignu, hodi defende nia tasi, liuhusi nia knaar ne’ebé konstrui ona, katak komponente naval sei haree tasi laran, ne’ebé iha riku soin.

“Tanba ne’e, mak ohin ita boot sira troka ona Boina infantaria no sai boina marineiru, ha’u hanesan komandu agradese ba esforsu ne’ebé hahú husi Segundu komandante no komadante sira no forsa sira hotu iha komponente naval ona, nia esforsu hotu-hotu liuliu komandante sentru formasaun tékniku naval no nia estrutura tomak, ne’ebé ho sira-nia sakrifisiu no pasiensia ho vontade hodi transfere sira-nia matenek ba ita boot sira no ohin loron ita boot sira sai marineiru no konsege konklui rekezitu ne’ebé sira dezeña ba iha formasaun Bázika Marineiru ida ne’e,” nia dehan.

Lee Mós :
Invazaun 7 Dezembru “Nakfila” ba Juramentu GAM-GAR

Enkuantu, iha formasaun bázika Mariñaria ne’e, hala’o durante fulan ida resin, hahú iha loron 03 fulan Outubru tinan 2022 no partesipa husi Grumete na’in-140 ho nia instrutor na’in-28, atu transforma infantaria sai marineiru.

 2,257 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komandu Komponente Naval Tula Boina Mariñaria b…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No