ADVERTISEMENT

Komandu PNTL Konsidera Manifestasaun Aliansa Maubere Nasionál Ilegál

Mario da Costa - Jeral
Jornalista : Beatriz Belo
Editor : Mario da Costa
  • Share
Estudante sira halo manifestasaun iha Parlamentu Nasional nia oin, Imajen Esp.

DILI (timorpost.com) – Komandu Polisia Nasionál Timor-Leste (PNTL) Munisípiu Dili, husu estudante ne’ebé hamahan iha Aliansa Maubere Nasionál (AMN), atu hapara ona Manifestasaun iha resintu Universidade Nasionál Timor-Lorosa’e, (UNTL), tanba asaun Pasífiku ne’e konsideradu ilegál.

Komandante PNTL Munisípiu Dili, Superintendente Xefe Polisia Henrique da Costa, iha nian entrevista hatete, relasiona ho Alin Estudante sira ne’ebé hamahan iha Aliansa Maubere Nasionál (AMN) hala’o Manifestasaun iha area resintu UNTL nian, atu hapara ona asaun Pasífiku ne’e, tanba ilegál laiha baze legal.

ADVERTISEMENT
SCROLL FILA BA NOTISIA


“Ita apelu ba alin estudante sira, atu hapara ona demonstrasaun ne’e, tanba sira laiha lisensa, Maibé, karik mak ita-nia alin estudante sira ne’e hakarak kontinua halo Manifestasaun hato’o pedidu mai, no hato’o pedidu ba iha Komandu Jerál,  hafoin sira bele kontinua,” dehan Henrique iha nia knaar fatin, Kaikoli, Tersa (15/11).

Nia esplika, momentu ne’e, sira-nia parte AMN haruka pedidu balun mai iha Komandu PNTL Munisípiu Dili, maibé sira atu halo Manifestasaun durante fulan rua, tanba Komandu Munisípiu Dili, husu ba parte AMN atu halo pedidu diretamente ba iha Komandu Jerál, hafoin Komandu Jerál aprova mak sira bele hala’o asaun Pasífiku ne’e.

Lee Mós :
Ahi Han Edifísiu, Eskola Paulo VI Fó Ferias ba Estudante

“Maibé, ha’u fiar katak, sira-nia pedidu ba iha komandu jerál mós laiha, depois komandu jerál mós seidauk fó aprovasaun, bele sira halo Manifestasaun, tanba ne’e ami konsidera ilegál, tanba laiha baze legal ruma husi Komandu Jerál,” dehan Komandante Henrique.

Iha biban ne’e, Komandante PNTL Munisípiu Dili, hatete ema hotu-hotu ohin akompaña katak, ohin mós AMN sira sei kontinua halo Manifestasaun, tanba ne’e ekipa PNTL nafatin ba iha terrenu  para aviza ba sira katak buat sira ne’ebé sira halo ne’e, laiha baze legal ruma.

“Tanba ne’e, kuandu sira la husi fatin ne’ebá ka sei kontinua, ita sei nafatin foti medida hanesan horisehik ne’ebé ita hala’o ona ne’e,” nia dehan.

Tanba ne’e, Komandante PNTL Munisípiu Dili, Superintendente Xefe Polisia Henrique da Costa, husu ba iha alin Estudante sira ne’ebé hamahan iha AMN ne’e ka sidadaun hotu, katak sira iha direitu hodi halo Manifestasaun ka hato’o sira opiniaun ka hato’o sira-nia hanoin ruma, maibé tenke liuhusi dalan legal ruma,” nia esplika.

Lee Mós :

Nia haforsa tan, liuhusi dalan legal mak tenke hato’o pedidu ne’e antes ba iha Polisia, depois parte Polisia haree katak, fatin halo Manifestasaun ne’e, bele ka lae, hodi hala’o Manifestasaun, nune’e parte PNTL deside, hodi nune’e fó autorizasaun.

“Ita mós husu atu nune’e terseiru pesoál sira mós la bele aproveita oportunidade atu nune’e hodi halo fila barullu katak estraga fila fali sasán ruma iha fatin refere, tanba horisehik ne’e  iha mós  vidru husi UNTL nian ne’ebé hetan estragu ka rahun,” nia afirma.

Tanba nee, nia dehan, vidru ne’ebé rahun ne’e, parte investigasaun sei la’o hela, tanba horisehik parte PNTL haree duni katak ema tuda eskola UNTL nia vidru rahun, maibé prosesu investigasaun mak bele hatene.

Antes ne’e, reprezenta husi AMN, Salvador Paixão Resorição, hatete sira haruka pedidu ba iha komandu PNTL Munisípiu Dili nian, maibé iha momentu ne’ebá Komandu PNTL Munisípiu Dili, haruka sira atu haruka karta ba iha Komandu Jerál.

Lee Mós :
Jape Kong Su Hakotu Ona Peregrinasaun iha Mundu

“Maibé, tuir Lei katak karta pedidu ne’e ba iha PNTL Munisípiu Dili nian, entaun ami karta pedidu ba iha Komandu PNTL Munisípiu Dili, entaun klaramente katak, ami tenke halo asaun, tanba sira la responde ba iha ami-nia karta pedidu ne’ebé ami halo”, nia responde.

Nia dehan, bazeia ba demonstrasaun ne’ebé estudante husi AMN halo ne’e, oinsá atu ezije desizaun ne’ebé Parlamentu sira sosa karreta paradu no Laptop, tanba tuir estudante nia haree katak, karreta no Lampto ne’ebé sira sosa osan povu nian.

“Tanba ne’e, ami halo Manifestasaun atu defende Justisa no defende povu nia osan ne’ebé sira uza hodi hola karreta ho Laptop, tanba ne’e ami kontinua halo asaun Pasífiku ne’e,” nia hakotu.

 1,972 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komandu PNTL Konsidera Manifestasaun Aliansa Ma…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No