DILI (timorpost.com) — Xefe Estadu Maiór Jenerál FALINTIN-Forsa Defeza Timor Leste (F-FDTL), Tenente Jenerál Falur Rate Laek, relata situasaun F-FDTL ba Prezidente Repúblika (PR), José Ramos Horta, no informa mós Forsa Aero na’in-2, ne’ebé oras ne’e ba tuir Formasaun Pilotu ho Kopilotu iha Estadus Unidus Amérika (EUA).
“Ohin ami ko’alia kona-ba situasaun forsa nian, situasaun Forsa Aero nian uitoan, ne’ebé Prezidente fó indikasaun para saida mak tenke halo atu hadi’a,”nia hateten hafoin enkontru ho Xefe Estadu iha Palásiu Prezidensiál, Bairru-Pité, Sesta (11/11).
Tenente Falur subliña, progresu Aero nian mak relata ba Prezidente kona-ba sira ne’ebé hetan formasaun iha Amérika, hodi fila fali mai uza meius ida ne’ebé F-FDTL nia parseiru dezenvolvimentu Forsa Aero nian atu fó.
“Prosesu iha Aeroportu nian ne’ebé manutensaun, pesoál tékniku sira ne’ebé atu ba iha aviasaun ninian avasidade ne’ebé hetan no hala’o hela formasaun iha Baukau ne’ebá, na’in-2 ida Pilotu ida fali Kopilotu, ne’e mak relata ba Prezidente,” nia hateten.
Alende ne’e liga ba problema sira iha rai laran Tenente Jenerál, Falur Rate Laek, afirma ne’e parte Polisia nia responsavel.
“Problema rai laran ne’e Polisia nia responsavel, ne’e la’ós ami-nia serbisu, sé kontinua mosu problema iha fatin-fatin, ne’e ba husu Administradór sira, PNTL no Xefe Suku sira tanba sira maka halo diálogu, ha’u la ba ne’ebé ha’u labele ko’alia ba ita boot sira,” nia afirma.
1,404 total views, 3 views today
Bele hare Video Seluk :
Subscribe to Timorpost
