Dili (timorpost.com) – Sekretariu Estadu Igualdade no Inkluzaun (SEII), selebra loron nasionál feto Timor-Leste ba dala-46 ho tema “Feto Prontu Lidera”.
Sekretaria Estadu ba Igualdade no Inkluzaun (SEII), Maria do Rosaria Fatima Correira, dehan ohin sira komemora Loron Nasionál Feto Timor-Leste ba dala-46, hanesan momentu importante ida atu relembra no rekoñese fó omanajen ba feto sira iha luta ukun rasik aan. Husi sira maka ohin loron hot-hotu bele hatutan nafatin misaun hirak ne’ebé sira husik hela.
“Tanba ne’e selebrasaun ba loron nasionál ba Feto Timor-Leste maka ho tema Feto Prontu Lidera”, nia informa liuhusi nia diskursu iha Sentru Konvensaun Dili (CCD), Kaikoli, Kinta (03/11).
Nia esplika, iha tinan ida ne’e SEII servisu hamutuk ho Autoridade Munisípiu Dili, Redi Feto maka organiza Eventu importante ida ne’e hodi selebra loron nasionál feto Timor-Leste tinan ida ne’e iha Dili, oinsá atu dezepenha knaar no funsaun foti pozisaun liederansa iha area oi-oin.
“Selebrasaun loron nasionál feto Timor-Leste iha tinan ida, feto prontu Lidera ida, atu kontinua no fó hanoin mai ita katak feto sira prontu ona atu Lidera, tanba sira Lidera ona hamutuk ho Mane iha tempu ukun rasik aan”, nia hateten.
Nomos Lidera fó kontribuisaun, maibé mós hatene katak sei iha feto barak loos presiza espasu hodi habelar sira-nia matenek.
“Ita hotu hanesan liederansa feto sira ne’ebé ohin mai hamutuk iha ne’e kontinua lidera hamutuk ho Mane sira buka no halo esforsu atu hakbiit no envolve fó espasu ba feto no labari feto sira hotu inklui maluk difisiensia sira no mós grupu vulneral sira seluk hodi nune’e partisipa iha prosesu dezenvolvimentu”, nia dehan.
Tanba ne’e iha momentu ida ne’e hot-hotu tau forsa hamutuk la presiza haree ba kores tanba husi kores oi-oin maibé objetivu ida de’it katak oinsá maka luta deskualidade ne’ebé nafatin kontinua.
2,461 total views, 9 views today
Bele hare Video Seluk :