DILI (timorpost.com) – Polisia Nasionál Timor-Leste (PNTL), liuhosi Polisia Tránzitu pasarevista konsege identifika karreta estadu ho xapa matrikula 05.660-6 G no 07.077-6 G viola utilizasaun iha ámbitu finadu.
“Karreta Estadu viola regra utilizasaun, ne’ebé tula ema na’in-6 labarik na’in-3 no ema boot na’in-3 la tama iha orden servisu,” Timor Post asesu iha pájina ofisiál Komisaun Funsaun Públika, Domingu (30/10).
Polisia Tránzitu prende karreta Estadu rua refere atu halo viajen ba munisípiu Vikeke, iha loron, Sesta (28/10).
“Karreta Estadu rua ne’e mós dokumentu la kompletu, ne’ebé ida seluk laiha dokumentu orden servisu inklui karta kondusaun (SIM)”.
Alende kona-ba prosesu kontinuasaun depois fila hosi finadu halo pagamentu ba nota informasaun, ne’ebé oferese hosi PNTL.
Bainhira kumpre katak selu ona mak foin tama ba prosesu realiza karreta ba utilizador, ne’ebé entrega liuhusi munisípiu no nota katak iha indisiu uzu pekulatu ne’e sei toma konta husi Komisaun Anti Korrupsaun, kona-ba administrativu nian.
Nune’e ekipa sei elabora tiha relatóriu hafoin enkamina ba Komisaun Funsaun Públika, atu prosesa ba aktus dixiplinar nian.
Enkuantu ekipa seluk hala’o vizita ba Ministériu Edukasaun, Juventude no Desportu, Ministériu Agrikultura no Peska, Ministériu Administrasaun Estatal, Ministériu Transporte no Komunikasaun, APORTIL no SEFOPE laiha violasaun regra kodigu estrada.
Ekipa konjunta mós halo auto stop ba diresaun Tasi-tolu no Mota-ulun nian laiha irregularidade ruma, enkuantu ba parte Fatuahi nian mak ekipa prende kareta rua ne’e.
En-jerál ba lina Ministériu sira seluk, ne’ebé define husi ekipa ba haree direta sira kumpre duni sirkular ne’ebé fó sai husi ekipa konjuta.
Ekipa fiskalizasaun konjuta kompostu husi KAK, KFP, Diresaun Jerál Pátrimoniu Estadu, Ministériu Finansas, Diresaun Nasionál Transporte Terrestre (DNTT) no PNTL liuhosi Polisia Tránzitu.
2,376 total views, 6 views today
Bele hare Video Seluk :
Subscribe to Timorpost
