DILI (timorpost.com) — Atu estabiliza situasaun Pas no Estabilidade, Xefe Estadu Maiór Jenerál Forsa Armada (XEMGFA), Tenente Jenerál Falur Rate Laek, hala’o enkontru Rotina ho Prezidente Repúblika (PR), José Ramos Horta, iha Palásiu Prezidensiál, Bairru-Pité, Sesta (28/10).
Tenente Jenerál Falur Rate Laek, informa situasaun Forsa nian hanesan atividade rotina loron-loron nian ne’e saida, misaun kumpre ne’e saida, formasaun ne’e saida, sira-nia relasaun ho kooperasaun téknika militár iha Bilaterál ho Multilaterál halo saida, artikulasaun dé-sirkulasaun iha estrutura ne’e nian oinsá.
“Ko’alia kona-ba estratéjia saida mak ita iha atu implementa Lei no regulamentu sira ne’ebé iha validu ou laiha hela iha instituisaun F-FDTL nia laran. Halo saida mak partisipasaun bele apoiu, para depois ajente seguransa atu estabiliza situasaun Pas no Estabilidade,” Falur dehan hafoin enkontru ho Xefe Estadu.
Alende ne’e kona-ba formasaun kooperasaun Bilaterál ne’e, tuir Tenente Jenerál Falur katak ne’e barak.
“Hanesan hotu-hotu haree iha ne’ebé investe iha Forsa Aero nian, formasaun iha Amérika ne’ebá, agora ba formasaun iha médiku Kuba, Fiji, Forsa mariña sira ba iha Brazil hodi prepara no prenxe buat ne’ebé bolu dehan, Autoridade marítima Nasionál, atu enkuadramentu rekrutamentu foun sira ne’ebá ne’e, hodi halo reforma no rezerva sira ne’e barak liu,” nia relata.
Enkuantu husi enkontru ne’e, PR Horta, informa ba asuntu ne’e katak, ba hadi’a ida ne’e, no kontinua ida ne’e.
“Prezidente responde kuandu nia dehan ba hadi’a ida ne’e, ne’e la di’ak, kontinua hadi’a ida ne’e ou ba mellora ida ne’e, ida ne’e la bele halo, nia kuandu fó instrusaun ne’e, tanba nia hanesan Komandu Supremu,” nia hakotu.
1,785 total views, 3 views today
Bele hare Video Seluk :