ADVERTISEMENT

AMN Preokupa ho Dezenvolvimentu iha Timor-Leste

Mario da Costa - Jeral
Jornalista : Mariano Abi
Editor : Mario da Costa
  • Share
AMN afirma pozisaun liuhosi konferensia imprensa kona-ba dezenvolvimentu iha Timor-Leste, Imajen TP/Mariano Abi

DILI (timorpost.com) —Aliansa Maubere Nasionál (AMN), preokupa ho dezenvolvimentu ne’ebé durante ne’e la’o iha Timor-Leste.

Koordenadór Jerál AMN, Gaspar Margano, hatete sira haree katak, dezenvolvimentu ohin loron ho karakter hosi leten ba kraik, hodi implika injustu ba rekursu Timor-Leste nian.

ADVERTISEMENT
SCROLL FILA BA NOTISIA


“Lala’ok dezenvolvimentu ohin loron ne’ebé ho karakter top down ka hosi leten ba kraik, implika distribuisaun injustu ba rekursu Timor nian, maski Konstituisaun RDTL rasik konsagra iha artigu 6°- katak, Estadu tenke halo distribuisaun justa ba soin Timor nian, atu nune’e povu hotu-hotu bele sente moris ho dignidade no saudavel,” nia hateten liuhosi Konferénsia Imprensa, iha Kampus Sentrál UNTL, Sesta (21/10).

Nia dehan, sira haree la akontese iha modelu foti desizaun ne’ebé in-poem husi leten ba kraik, hodi ema hotu suboroima. Laiha demokrasia partisipativu, maibé iha mak demokrasia ne’ebé elite minoria, aliás ditadura dos elites.

Tinan 20 resin ona Timor-Leste independente, maibé povu maioria mak sei moris iha liña pobreza ne’ebé estremu, mal-nutrisaun, dezempregu, sistema saúde ne‘ebé la adekuadu no setór edukasaun ne’ebé laiha kualidade.

Lee Mós :
Mate-isin Jape Kong Su To'o Ona iha Aeroportu Komoro

“Ida ne’e rezultadu husi dezenvolvimentu ekonomia polítika ne’ebé la’o hela iha Timor-Leste, iha ne’ebé despeza publika la fó benefísiu ba povu maubere nia interese, maibé nakonu de‘it klase elite balun nia kaan no nia interese,” Gaspar relata.

Nia subliña, daudaun ne‘e, iha loron 3/10/2022, Parlamentu Nasionál foti desizaun polítika ida hodi integra planu sosa karreta Pajero no Laptop iha sira-nia orsamentu privativu iha tinan 2023.

Desizaun ida ne’e, tuir AMN nia haree, la reflete interese povu hotu-hotu nian. La’ós foin mak akontese, maibé polítika sosa no sa‘e karreta luxu sai ona toman ida iha ukun ohin loron nian.

Desizaun ida ne’e hatudu situasaun ida ne’ebé ema hotu nota, iha sorin ida, eziste elite ne’ebé kaer podér hodi hakonu sira-nia interese no sorin seluk, eziste povu hanesan Traballadór, Ambulante, Agrikultór, ki’ak sidade no seluk-seluk ne’ebé moris iha terus, susar, subordinadu no marjinál iha sosiedade Timor-Leste.

Lee Mós :
Doenças mais prevalentes no Posto de Saúde de Kampung Alor causadas por falta de água e saneamento

“Ne’e hatudu katak, elite ho povu maubere nia interese kontraditóriu. Elite hanehan povu maubere, dezde uluk até agora liuhusi estadu, elite sira akumula soin, enkuantu povu Maubere asesu ou hadau de’it nia restu,” Gaspar akresenta.

Tanba ida ne‘e, AMN ne’ebé kompostu husi organizasaun sosiál no setór massa sira seluk hanesan, Ambulante, Ki’ak Sidade, Agrikultór, Traballadór no seluk-seluk tan. Nu’udar povu Maubere hakarak afirma no ezije, iha ne’e estudante no joven reprezenta lian-laek sira seluk, rejeita totál desizaun PN nian kona-ba sosa karreta Pajero no Laptop ba deputadu no deputada sira, husi ne’e AMN ezije atu PN, liuhusi diskusaun plenária ba OJE atu elimina planu sosa karreta foun no laptop.

“Ami husu ba Prezidente Repúblika atu tetu didi’ak OJE molok promulga, ami hanoin katak, di’ak liu veta kuandu PN la altera dotasaun orsamentál kona-ba sosa karreta foun no laptop. Husu atu despeza Estadu nian tenke aloka barak ba setór estratéjiku sira ne’ebé fó benefísiu ba interese povu maubere nian,” Gaspar realsa.

Lee Mós :
Fabien Penone Hasoru PR Horta Hametin Relasaun Bilateral

Ho ida ne’e, AMN husu atu sosiedade, estudante sira no povu maubere hotu atu konxiente katak, nu’udar ema moris iha dominasaun foun ou neo-kolonializmu no neo-liberalizmu, iha ne’ebé elite sira supa no hariku-an liu husi dalan legál.

AMN husu ba movimentu hotu-hotu, setór sira hotu ne‘ebé luta ba Justisa, atu hamriik no hamosu asaun makaas ida hasoru ukun ditadura osan nian, aliás ditadura elite nian.

“Ikus liu ami hakarak dehan, durante ne’e despeza públika sé hakonu de’it elite sira nia kaan no interese, hanesan polítika regulár sosa-karreta, direitu regula no priviléjiu sira. Ba sosiedade tomak, ita presiza hanoin, tetu, krítiku, no nesesáriu hamosu asaun masa hodi kontra injustisa iha ita-nia rai ida ne’e. Nune’e, AMN sei eziste no reziste, ohin, aban no ba futuru,” Gaspar hakotu.

 1,660 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “AMN Preokupa ho Dezenvolvimentu iha Timor-Leste” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No