ADVERTISEMENT

Mate-Isin Jape Kong Su Halot Ona Iha Fatu-manu Hera 

Mario da Costa - Jeral
Reportajen : Jaime Pires
Editor : Mario da Costa
  • Share
Prosesu lori ona Mate-Isin Jape Kong Su, nian atu ba halot iha Rai kuak ne'ebé prepara iha Hera, Kinta (06/10), Imajen TP/Jaime Pires.

DILI (timorpost.com) – Mate isin na’in ba Timor Plaza, Jape Kong Su, halot ona iha nia rai Fatu-manu, Suku Hera, Postu Administrativu Metinaru, Munisípiu Dili, Kinta (06/10), meudia.

Enkauntu mate-isin to’o iha fatin preparasaun ikus iha Fatumanu maizumenus tuku 11:30, hafoin iha ne’ebá deskansa kuaze oras rua hodi órgaun soberanu sira, hansan Prezidente Governu, Parlamentu, nune’e mós Korpu diplomátiku sira seluk no emprezáriu sira hato’o sira-nia omenajen ikus.

ADVERTISEMENT
SCROLL FILA BA NOTISIA
Lee Mós:
Aeroporto Rota de Sândalo torna-se num local de festejos

Iha serimónia ida ne’e, hetán partisipasaun másimu husi emprezáriu lokál sira hahú kedas husi Prezidente Kámara Komérsiu Indústria Timor-Leste (CCITL), Oscar Lima, no seluk tan.

La’ós ida ne’e de’it, lider na’in-tolu husi órgaun soberanu tolu hanesan, Prezidente Repúblika, José Ramos Horta, Primeiru Ministru, Taur Matan Ruak no Prezidente Parlamentu Nasionál, Aniceto Longuinhos Guterres Lopes mós hetan partisipasaun.

Maibé, iha serimónia ne’e órgaun soberanu ida, Tribunál Rekursu de’it mak la partispa iha serimónia funebre Jape Kong Su nian, ne’ebé realiza iha Hera.

Lee Mós:
Governo aprova Plano de Recuperação Económica

Iha oras balun deskansa ne’e mós, família sira loke matebian nia filmajen kona-ba prosesu moris to’o sai emprezáriu no mós projetu sira ne’ebé nia halo iha mundu ida ne’e.

Enkuantu serimónia halot mate isin Jape Kong Su, ne’ebé ho naran koñesidu Avó Plaza ne’e, realiza iha Foho Tutun Fatu-manu, Suku Hera, maizumenus tuku 13:40 ka besik tuku rua meudia oras Timor-Leste nian.

Lee Mós:
Staff iha Timor Plaza Triste Lakon Avó Jape Kong Su

Serimónia halot ne’e mós família deside tuir sira-nia kultura, hodi funsionáriu no entidade tomak ne’ebé partsipa iha fatin preparasaun ne’e labele ba asiste direita prosesu hatama mate isin ba rai kuak, maibé lider órgaun soberanu na’in-tolu hamutuk ho família sira de’it mak bele partispa.

 1,116 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Mate-Isin Jape Kong Su Halot Ona Iha Fatu-manu …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: