ADVERTISEMENT

Mate-isin Jape Kong Su To’o Ona iha Aeroportu Komoro

Mario da Costa - Jeral
Jornalista : Mariano Abi
Editor : Mario da Costa
  • Share
Mate-isin Jape Kong Su, to'o ona iha Aeroportu Internasionál Prezidente Nicolau Lobato Komoro, Kinta (06/10), Imajen TP/Mariano Abi.

DILI (timorpost.com) — Família hosi Saudozu Jape Kong Su, Kinta (06/10), lori nia mate-isin to’o ona iha Aeroportu Internasionál Prezidente Nicolau Lobato Komoro.

Jape Kong Su, sidadaun mistura Timor-Leste ho Cima, baibain ema bolu “Avó Jape” nia Mate-Isin to’o iha Aeroportu Komoro, ihatuku 08.40, ho Aviaun QANTASLINK ho marka VH-XVM.

ADVERTISEMENT
SCROLL FILA BA NOTISIA


Bainhira to’o iha Aeroportu Komoro, simu direta husi oan mane boot husi “Avó Jape” ho nia bei oan sira no staf Timor Plaza nian.

Na’in ba Timor Plaza “Avó Jape” mate ou hakotu ninia peregrinasaun iha mundu ho idade 97, iha loron 26 Setembru 2022, iha Austrália.

“Ami husi Familia Jape ho laran triste hakarak fó sai ba públiku katak Ami-nia Aman “Jape Kong Su” ou ho naran estimadu “Avo Jape” fila hikas ona ba Aman Maromak nia kadunan Santo ho idade 97 anos, iha Loron, 26 de Setembru de 2022,” sita iha pájina ofisiál Timor Plaza Dili Central.

Lee Mós :
Mais de cem hectares de terra fértil nos sucos de Loilubo e Uatulari abandonados

Haktuir liuhosi pájina ne’e katak, Jape Kong Su, sei nafatin lembra husi nia kaben, Inan faluk. Senhora Lai Min Ha, oan sira mak hanesan tuir mai ne’e, Julia, Ian, Kenny, Alan, Wendy, Tony, Connie, Danny, no Pamela no nia bei oan sira, ne’ebé durante ne’e sira moris hamutuk iha tinan 78.

Husi ne’e, nia sei fila hikas ba hamutuk ho nia oan feto Vicki iha aman maromak nia kadunan.

Saudozu Jape Kong Su, Imajen Esp.

Família Jape sei la haluha nia aten berani, dedikasaun, no serbisu makaas ne’ebé nunka sente kole durante nia moris tomak.

Entretantu iha loron Segunda (26/09), Lia rekadu mai hosi família Jape. Figura prinsipál Jape Kong Su, badaen negósiu (businessman) timoroan dahuluk ho seriedade transforma rai mamuk ba objetivu fíziku real, sentru ba atividade ekonomia Timor-Leste nian.

Timoroan jerasaun sira ne’ebé sei moris iha dékada rua ka tolu tuir mai sei la haree direta ka hasoru entre face to face (oin ho oin-red) figura timoroan Jape Kong Su. Sera ke bele reprezenta hela monumentu ruma ou imajen fotografia sira liuhosi muzeu ki’ik ruma ne’ebé prezerva memória balu, oras ne’e iha ema-nia leet Timor plaza maka sai hela lalatak ka obra estraordináriu ne’ebé Jape Kong Su husik hela ba nasaun Timor-Leste.

Lee Mós :
PM Taur Foti Alkatraun Ba Teste iha Labnas

Tinan 10 ikus ne’e, timoroan tomak hosi loro sa’e to loro monu, tasi feto no tasi mane, bainhira tama sidade Dili, Timór Plaza ne’ebé lokaliza iha Komoro Dili, sai alvu vizita hodi kompras. No komunidade iha Dili tantu nasionál no estranjeiru sempre hetan animasaun ka harame bazar night kada sesta kalan. Timor Plaza sentru komérsiu luxu ho klase internasionál dahuluk iha Timor-Leste nu’udar obra hosi badaen negósiu (Businessman) sidadaun ne’ebé moris iha entre Maubara no Balibó ne’e.

Lee Mós :
Pedidu Rejignasaun Taur, Lú Olo: “Ha’u La Ko’alia Kona-ba Ida Ne’e”

Area Timor Plaza aleinde hanesan fatin komérsiu, famozu ho formatu komún iha internasionál maka hanaran CBD Central Business District hanesan integra espasu kompletu bele hetan ka asesu ba loja kompras, eskritóriu, otél, restaurante no banku inklui fatin ba animasaun no divertimento nian to’o jogu klase elit ka Casino.

Fatin ne’e hari husi Dili Dezenvolvimentu L.d, ne’ebé mai husi empreza Grupu Jape, espesializada iha evolusaun propriedade ne’ebé boot ho kualidade aas ba arrendamentu retallu, rezidénsia no instalasaun eskritóriu.

Grupu Jape harii husi matebian Jape Kong Su iha Darwin (Australia), Territóriu norte – ne’ebé iha 1976 no pertense husi família, ne’ebé nia hun iha Timór Lorosa’e.

 

 

 

 

 

 2,707 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Mate-isin Jape Kong Su To’o Ona iha Aerop…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No