ADVERTISEMENT

Labarik Timor 80% Iha Pobreza Laran, 300 Hala’o Serbisu iha Fatin Públiku

Mario da Costa - Jeral
Reportajen : Mariano Abi
Editor : Asisten Hermenegildo da Costa Tilman
  • Share
Prezidente INDDICA, I.P. Dinorah Granadeiro, imajen TP/Mariano Abi.

DILI (timorpost.com) — Instituto Nacional Para a Defesa dos Direitos da Criança, Impreza Público (INDDICA, I.P), rejista ona labarik porsentu 80 iha pobreza laran no labarik 300 mak hala’o serbisu iha fatin públiku ou merkadu.

“Iha ami-nia relatóriu mós públika, iha ne’ebá hatudu katak 80% husi labarik Timor ne’e iha pobreza nia laran, ne’e hatudu labarik sira sai risku makaas liu iha Timor ne’e. Husi ami-nia assessment ne’ebé ami halo rasik kuaze labarik 300 mak hala’o serbisu iha fatin públiku ou merkadu,” Prezidente INDDICA, I.P, Dinorah Granadeiro dehan iha salaun MSSI Kaikoli, Tersa (27/09).

ADVERTISEMENT
SCROLL FILA BA NOTISIA

Nia subliña, sira-nia assessment ne’e mós hatudu katak, 90% asesu hotu ba edukasaun, nune’e kuandu kona-ba fan manu tolun no buat seluk sira uza tempu livre hodi faan no iha persentajen boot husi labarik sira ne’ebé halo serbisu, tanba apoiu sira-nia família liuliu apoiu nesesidade família.

Lee Mós:
Governo e autoridades judiciais devem garantir controlo de branqueamento de capitais

“Intervensaun ne’ebé ami halo maka serbisu, serbisu ida ne’e pertinente ho komisaun Kontra Labarik Infantíl iha Timor-Leste. Ami serbisu hamutuk ho komisaun ne’e no ILO mak prepara ezbosu dekretu lei hodi oinsá mak bele asegura labarik sira faan ne’e, para bele hadook aan husi risku, maski durante ne’e seidauk akontese maibé sira mós iha risku menóridade,” nia hateten.

Husi parte INDDICA espera katak dekretu lei ida ne’ebé komisaun Kontra Traballu Infantíl submete ona ba Ministériu Koordenasaun Asuntu Ekonomia (MKAE) sira bele tau atensaun iha vontade di’ak, hodi bele lalais lori ba Konsellu Ministru para aprova.

Lee Mós:
Prezidente Horta Kontente Portaun Palásiu Governu Nakloke ba Públiku

“No ne’e mós bele fó espasu ba ami sira ne’ebé serbisu iha diretu labarik ne’e ho di’ak liu, tanba laiha iha Lei ruma mak fó biban mai ami hodi ami bele hala’o serbisu ho di’ak,” Prezidente INDDICA, Dinorah relata.

Nia haktuir, husu ba inan-aman sira iha responsabilidade másimu atu fó protesaun ba labarik sira, no inan-aman mós tenke halo devér hanesan ema adultu

Nia hatutan, família mak sai hanesan fatin prinsipál ba iha protesaun diretu labarik nian, Inan-Aman mak primeiru pesoa ba iha responsabilidade másimu atu fó protesaun ba labarik sira.

Lee Mós:
Komemora Loron FALINTIL, Falur Ho Jenerál Portugal Hasoru Malu

Tanba ne’e nia husu Inan-Aman sira tenke halo devér hanesan ema adultu, hodi fó oportunidade no fó espasu ba labarik sira hodi goza sira-nia direitu ida ne’e, fó eskola ba sira, fó tempu ba sira hodi deskansa, no fó biban ba sira hodi halimar ho nia kolega sira no hanorin sira hodi bele hatene aan.

 1,500 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Labarik Timor 80% Iha Pobreza Laran, 300 Hala&#…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: