DILI (timorpost.com) – Kongresu Nasionál Partidu Frente Revolusionáriu Timor-Leste Independente (FRETILIN), ba dalimak, Reformadu Tenente Jenerál Lere Anan Timur, deside la kompete tanba pakote Francisco Guterres ho Mari Alkatiri, kontinua avansa.
Reformadu Tenente Jeneral Lere Anan Timur, hatete kongresu nasionál ida ne’e, karik Lu’Olo ho Mari Alkatiri sei hakarak avansa ho nia pozisaun nafatin iha Comitê Central FRETILIN (CCF), nia labele kompete ho sira.
“Ha’u labele Kompete ho sira na’in-rua, tanbá uluk hau-nia prinsípiu no konseitu uluk ha’u kaer mak ida ne’e, la’ós atu halo kompetisaun,” nia hateten iha Sentru Konvensaun Dili, Sesta (09/09).
Tuir Segundu Jerasaun FRETILIN ne’e, kongresu FRETILIN nian, breve rezulta hosi pakotu úniku, Francisco Guterres Lu’olo ho Mari Alkatiri mak sei mantein nia pozisaun iha Komite Sentrál FRETILIN.
“Kongresu FRETILIN ba Kinta Lejizlatura, pakote hanesan jerasaun tuan mak sei mantein nafatin, tanbá ne’e ha’u parabeniza ba ha’u-nia maun nain rua, Lu’Olo ho Mari,” nia Subliña.
Nia hatutan, “Susesu ha’u nian ba kongresu FRETILIN, mak rekoñese ha’u nu’udar Segundu Jerasaun iha Komite Sentrál FRETILIN, maibé la’ós rekoñese ha’u de’it, rekoñese liután ha’u-nia maluk sira ne’ebé ohin loron la hamutuk ho ita, hanesan, Nino Konis Santana, Pere Malay Kaká, Holi naça, Ini kuai Dau, Sakineria, Harinere, daitula”.
Ikus nia dehan, sente orgullu bainhira Komite Sentrál FRETILIN (CCF), rekoñese sira nu’udar jerasaun FRETILIN, ida ne’e mak objetivu no susesu ne’ebé ha’u hetan.
2,975 total views, 3 views today
Bele hare Video Seluk :
Subscribe to Timorpost
