DILI (timorpost.com) – Komisaun Reguladora Arte Marsiais. (KRAM) iha ona estudu atu kria lei espesifika ida ba arte Rituais.
Prezidente Komisaun Reguladóra Arte Marsiál (KRAM), Octavio da Conçeição, hatete iha lei númeru 05/2017 ne’e, seidauk iha artigu ida ne’ebé espesifika liu hodi kontrola arte rituiais sira-nia atividade.
“Tanba ne’e Governu komisaun reguladora arte marsiais iha prosesu estudu ida oinsá ita halo lei própria ida ba arte ritual, atu nune’e bele regula sira,” nia hateten hafoin remata enkontru ho Vise Ministru Interior, António Armindo iha Vila-Verde, Kuarta (07/09).
Nia dehan, sira kria lei ida kona-ba arte rituais, hodi sira-nia parte bele regula atividade rituál nian.
“Ita sei halo lei própria ida ba arte ritual sira, atu nune’e hodi regula sira, tanba daudaun ne’e, ita seidauk iha artigu espesífiku hodi kontrola arte rituais sira-nia atividade”, nia afirma.
Alende ne’e nia dehan, kuandu hakarak hamosu ezbosu lei arte ritual ne’e, presiza iha estudu ida no presiza iha peskiza hodi hatene natureza loloos husi arte ritual ne’e.
“Ita atu kria lei espesífiku ne’e bele mós envolve arte marsiais sira, tanba entidade hotu-hotu bele fó hanoin, hanesan mós hamosu segundu diretiva ne’e mai husi konsulta públika ne’ebé KRAM hala’o iha nivel Nasionál no mós nivel munisípiu sira iha territóriu laran tomak,” nia dehan.
Ikus liu nia hatutan, ba sira arte ritual sira mós hanesan ne’e, sei hala’o peskiza ida no halo estudu ida no sei halo kontaktu hotu-hotu ho entidade hotu-hotu ne’ebé iha koñesimentu ba arte ritual sira hafoin bele kria lei espesífiku ida ona ba arte rituais.
5,301 total views, 3 views today
Bele hare Video Seluk :
Subscribe to Timorpost
