ADVERTISEMENT

Falur-Lere Lansa Livru ho Títulu “Maunana Humildade no Revolusinario”

Mario da Costa - Jeral
Reportajen : Beatriz Belo
Editor : Mário da Costa
  • Share
Foto hamutuk hafoin Lansamentu Livru ho Títulu "Maunana Humildade no Revolusinario", Imajen TP/Beatriz Belo

DILI (Timor Post) – Xefe Estadu Maior FALINTIL-Forsa Defeza Timor-Leste (F-FDTL), Tenente Jeneral Domingos Raul “Falur Rate Laek” ho Jeneral Reformadu, Tito Cristovão da Costa “Lere Anan Timur” iha loron Tersa (30/08), ofisialmente lansa ona livru rezisténsia ho títulu ” Maunana Humildade no Revolusionario” iha Auditóriu Kaurtél Jenerál Fatuhada.

Xefe Ispesaun Jerál F-FDTL, Brigadeiru Jenerál Cornelio Ximenes ho kodigu “MAUNANA”, hatete Eskritór mak Amito Qonusere Araujo, nia rasik mak iha inisiativa hakarak hakerek nia istória rezisténsia durante partesipasaun  Frente Armadas ba Libertasaun Nasionál, tanba ne’e entrevista nia, nune’e mak ohin hodi halo lansamentu.

ADVERTISEMENT
SCROLL FILA BA NOTISIA

“Ohin lansamentu ne’e, ha’u sente katak ha’u la’ós orgullu, maibé ida ne’e fó para ita-nia maluk lider rezisténsia sira hotu, tenke komesa hanoin atu hakerek no konta sira-nia istória,” dehan Brigadeiru Maunana.

Nia dehan, polítika oras ne’e la’o hela, sempre hatun malu katak polítika ida ne’e mak halo no politika ida ne’e mak halo liu, entaun ida ne’e hotu mak nia hakerek para joven sira mós bele hatene istória no mós hatene respeita Na’i-Ulun sira.

Lee Mós:
Acidente rodoviário vitima dois irmãos

“Ho situsaun ida ne’e mak motivu ha’u hodi hakerek ida ne’e no hakarak lalais halo nia lansamentu para depois bele mós koresponde situasaun sira ne’e hotu,” nia dehan.

Nia afirma, Ohin sira temi lore oan, maibé iha livru laran la’ós Lore oan de’it, maibé sira ko’alia temi rezisténsia hotu.

“Lansamentu ne’e ha’u sente ba oin joven sira mós rona no hatene kona-ba istória, tanba ha’u haree Jenerál Lere Anan Timur, mós atije ona idade 70, hodi reforma, ha’u mós sei tuir ida ne’e, entaun di’ak liu aproveita oportunidade ita sei moris, entaun ita hakerek livru ida,” nia konta.

Nia dehan, Eskritór dehan ladún perfeitu, maibé nia parte konta tuir buat ne’ebé nia hatene ba Eskritór no buat ne’ebé maluk sira mós testemuña hotu mak iha livru ida ne’e nia laran.

Iha biban ne’e, hakerek nain ba livru Maunana Humildade no Revolusionario, Amito Qonusere Araújo, konta prosesu hakerek Livru rezisténsia nian, husi brigadeiru Jenerál Cornelio Ximenes “MAUNANA”, prosesu ne’ebé naruk no han tempu.

Lee Mós:
Kongresu Nasionál FRETILIN, Lere Deside Lakohi Kompete ho Pakote Lú Olo-Mari

“Ha’u hakerek prosesu livru ida ne’e, mais komplikadu ho voluntarizmu ha’u konsege bele finaliza prosesu tomak, hahú husi peskiza hakerek edisaun no prepra meius hotu-hotu ba iha lansamentu,” nia dehan.

Objetivu husi lansamentu ne’e, atu bele tranzmite informasaun rezisténsia ne’ebé nia deskreve ona iha livru laran, ba istória Lore, ne’ebé sai fontes sentral mak brigadeiriu Jeneral Cornelio Ximenes ho kodigu “MAUNANA”, ho fonte sira seluk ne’ebé durante halo konfirmasun no konsultasaun hodi kompleta ba iha istória ne’ebé ohin lansa ona.

“Hakerek livru ne’e, inisiu ha’u mak halo, entaun ba futuru sei hakerek tan ba iha rezisténsia nian no kontinuasaun Lore segundu nian, maibé istória diferente, nune’e gransa Maromak nian iha fulan Novembru nia laran ita bele lansa tan livru ida,” nia dehan.

Nia hatete, iha inisiu nia hakerek ho voluntáriu, maibé serimónia lansamentu no buat hotu-hotu liga ba iha livru ne’e la iha apoiu ruma husi Govenu, maibé apoiu husi Lore ona sira iha Dili no iha Inglaterra no sira mak kontribui osan hodi apoiu ba produsaun no serimónia lansamentu nian.

Lee Mós:
Kongresu FRETILIN, Lú Olo-Alkatiri Versus Lere-Rui

Nia dehan livru ne’e, hakerek inisitiva Eskritór ninian rasik, dezde tinan 2014, maibé iha Jenerál Cornelio Ximenes ho kodigu “MAUNANA”, nian mak hakerek iha tinan 2019.

Nia dehan, Livru ne’e iha kapitulu 14 no iha pájina 229 ho nian romeu ne’e 22.

Serimónia Lansamentu ne’e, partesipa husi Xefe Estadu Maiór FALINTIL-Forsa Defeza Timor-Leste (F-FDTL) Tenente Jenerál Domingos Raul “Falur Rate Laek” ho Jenerál Reformadu, Tito Cristovão da Costa “Lere Anan Timur”, Sekretáriu Estadu Komunikasaun Sosiál (SEKOMS) Mericio Juvinal dos Reis “AKARA” no reprezenta husi Centro Nasionál Chega (CNC) no mós família no konvidadu balu.

 1,024 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Falur-Lere Lansa Livru ho Títulu “Maunana…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: