Díli (Timor Post) – Relasiona ho Aniversáriu FALINTIL ba dala-47, Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, akompaña hosi Xefe Estadu Forsa Armada Portugál, Australia, membru Parlamentu, Governu, entidade hotu no komunidade sira kare Ai-funan iha Tasi ibun Portu Dili.
Objetivu hosi tau ai-funan ne’e, atu hanoin hikas martiris sira ne’ebé mate iha funu laran, ruin naklekar, ran suku ba tasi to’o balun rate mós laiha.
Portantu iha kare ai-funan ne’e, akompaña ho tiruteu hosi Militár sira hanesan onra ida na eroi sira.
Organizasaun Forsa Armada Libertasaun Nasionál Timor-Leste (FALINTIL), ne’e harii iha tinan 1975.
Relasiona ho selebrasaun aniversáriu ne’e, Prezidente Repúblika, José Ramos Horta, sei kondekora Jenerál na’in-3 no eis Jenerál na’in-1.
Hanesan ema hotu hatene, Misaun Forsa Armada Libertasaun Nasionál Timor-Leste (FALINTIL), dezde tinan 1975 mai to’o transforma ba iha FALINTIL-Forsa Defeza Timor Leste (F-FDTL), mak hanesan lutu ba nasaun.
Portantu tuir Konstituisaun no Lei Defeza no Militár kona-ba misaun F-FDTL
Konstituisaun RDTL artigu 146o define ona misaun F-FDTL, alínea 2 hatete F-FDTL garante independénsia Nasionál, integridade territorial, liberdade no populasaun nia seguransa hasoru agresaun ruma ka ameasa esterna, ho respeitu ba orden Konstitusionál.
Tuir Estatutu Orgánika F-FDTL, dekretu Lei Nú 15/2006 loron 8 Novembru, misaun espesífiku husi F-FDTL nia maka;
• garantia vijilánsia ba fronteira (Terestre, Maritima no Aero)
• halo salvasaun ba tasi laran nia
• fó apoiu ba autoridade sivíl iha ámbitu ba satisfasaun nesesidade bázika no mós atu hadi’a kualidade moris populasaun nian
• fó apoiu ba orden Konstitusionál, iha ámbitu ba partisipasaun iha situasaun deklarasaun estadu de sítiu ka estadu de emerjénsia nia
• fó apoiu ba populasaun sira iha kazu katástrofe natural ka kalamidade públika
• fó apoiu ba polítika esterna, liu husi asaun kooperasaun tékniku – militár, partisipasaun iha operasaun apoiu ba Paz, operasaun umanitáriu no asaun sira seluk sei determinadu iha ámbitu akordu internasionál sira nia.
Lei Nú. 2 /2010 loron 21 Abríl – Lei Seguransa Nasionál, artigu 8- husi misaun ba FALINTIL-FDTL nia maka:
• responsavel ba defeza militár RDTL, halo tuir Konstituisaun, lei no akordu sira kona-bá direitu internasionál maka hala’o iha Timor-Leste
• Hala’o kna’ar iha misaun seluk fó tulun ba autoridade sivíl, iha kuadru Sistema Integradu Seguransa Nasionál, fó tulun ba polítika esterna Estadu nian, iha operasaun atu fó tulun ba pás no umanitária.
2,202 total views, 3 views today
Bele hare Video Seluk :
Subscribe to Timorpost
