ADVERTISEMENT

Lobato Apoiu Lere Lidera FRETILIN

Mario da Costa - Jeral
Jornalista : Beatriz Belo
Editor : Mário da Costa
  • Share
Rogerio Tiago Lobato, Imajen Esp.

DILI (Timor Post) – Eis Ministru Interior (MI), Rogério Tiago Lobato, Kompromete sei apoiu Tenente Jenerál Reformadu, Tito da Costa Cristóvâo “Lere Anan Timur”, atu lidera Partidu Frente Revolusionáriu Timor-Leste Independente (FRETILIN).

Tuir nia, ema ida hanesan Lere Anan Timur, iha direitu tomak atu konkore ba lideransa FRETILIN, tanba, nia mós servi iha ai-laran no mós iha interese FRETILIN durante tinan 24, hodi luta no lakon família tomak.

ADVERTISEMENT
SCROLL FILA BA NOTISIA


“Ha’u apoiu Lere Anan Timur, atu lidera FRETILIN, hodi nune’e bele muda, tanba ha’u sente katak se la muda FRETILIN, se lae ema barak mak sei musuh iha FRETILIN nia laran,” dehan nia hafoin remata aniversáriu UEP nian ba dala-13 iha UEP Bairru-Pite, Tersa (16/08).

Lee Mós :
Ramos Horta assume papel importante na mediação entre líderes nacionais

Nia dehah, nia parte hakfodak banhira sira ko’alia iha jornal dehan Lere Anan Timur, laiha kondisaun atu lidera FRETILIN, nia la konkorda ba ida ne’e.

“Ha’u espera ba lideransa foun, mak ne’e tenke hakuak ema hotu, la bele forma grupu no FRETILIN ema hotu nian, liuliu ba ema hotu ne’ebé lakon família no lakon buat hotu ba rai ida ne’e, sira mak bele ko’alia kona-ba FRETILIN,” hateten nia.

Lee Mós :
Klubu Mua Cau Prontu Kompete iha Jogu Futsal

Alende ne’e nia mós hatete, nia parte nafatin pozisaun, tempu para sira ne’ebé kaer FRETILIN durante tinan 20 ne’e, atu troka fali lideransa no fó fali ba ema seluk mak lidera.

Nia dehan, hanesan doutor Mari Alkatiri, no eis Prezidente Repúblika, Francisco Guterres Lu- Olo, lidera ona FRETILIN iha tinan 20, nune’e tempu to’o ona para bele organiza kongresu, hodi nune’e para fó fali lideransa seluk bele kaer fali FRETILIN, tanba tinan 20 ne’e tempu barak.

Lee Mós :
Governo aprova decreto de execução do OGE de 2021

Ikus nia dehan, agora rona katak, sira hala’o kongresu mak foti lideransa foun, maibé uluk sira tama lista unika atu halo eleisaun direita.

Enkuantu kongresu nasionál ba partidu FRETILIN, hodi hili Prezidente partidu ho Sekretáriu Jerál, sei hala’o durante loron tolu, hahú hosi loron 8-10 fulan Setembru tinan ne’e.

 1,676 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lobato Apoiu Lere Lidera FRETILIN” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No