DILI (Timor Post) – Xefe Suku Bekora, Antonio da Silva Soares, informa komunidade uma-kain hamutuk rihun 22 mak sei simu sesta báziku daruak iha tinan ne’e.
Nia hatete, dadus husi tinan 2021 to’o mai 2022, husi fulan Febreiru tinan ne’e, mak foin hari uma-kain seidauk bele simu, tanba dekretu lei Governu hato’o katak, husi tinan 2021 to’o iha fulan Janeiru 2022, mak bele simu sesta báziku daruak.
“Ami prepara ona dadus husi kumunidade Bekora hamutuk 22 Mill mak sei simu sesta bázika iha tinan 2022,” dehan nia ba Timor Post iha Eskuadra PNTL Kristu Rei Bekora, Domingu (07/08).
Nia dehan, sira ne’ebé foin forma uma-kain foun sei simu sira-nia diretu ho sira-nia inan-aman sira.
“Ita-nia sidadaun sira ne’ebé hari ona família foun mak la simu sesta bázika ne’e todan ba sira mós, tuir loloos sira bele hetan direitu atu nune’e bele ajuda familia,” nia salienta.
Nune’e, nia dehan, posibilidade Governu haruka halo reklamasaun ba uma-kain sira, nia hanesan Autoridade prontu atu halo reklasamasaun.
1,101 total views, 3 views today
Bele hare Video Seluk :