ADVERTISEMENT

MAE Lansa Atividade Hodi Prepara ba Komemorasaun Loron Konsulta Popular

Mario da Costa - Jeral
Jornalista : Ermelinda Caet
Editor : Mario da Costa
  • Share
Ministru Administrasaun Estatál, Miguel Pereira de Carvalho, lansa atividade desportiva hodi komemora loron konsulta popular, Imajen TP/Ermelinda Caet.

Dili (Timor Post) – Governu Timor-Leste liuhusi Ministériu Administrasaun Estatál (MAE),  lansa atividade liuhusi Joga bola no Marxa saudável hodi prepara molok atu selebra aniversáriu Konsulta Popular ba dala-23.

Tuir Ministru Administrasaun Estatál no Prezidente Komisaun Organizasaun ba Loron Konsulta Popular, Minguel Perreira de Carvalo, afirma lansa atividade hirak ne’e molok komemorasaun loron konsulta popular ba dala-23, ho Tema “Espiritu loron Konsulta Popular 30 Agostu 1999, mai ita hametin paz no estabilidade ba dezenvolvimentu iha Timor-Leste”.

ADVERTISEMENT
SCROLL FILA BA NOTISIA


“Serimonia lansamentu ida ne’e hakarak atu prepara ita molok atu ita komemora loron Konsulta Popular nian, atu nune’e ita bele hanoin no refleta kona-ba saida mak ita-nia Governu sira halo tiha ona no saida maka seidauk halo no hein atu realiza iha tempu hirak tuir mai”, nia hateten hafoin remata serimónia lansamentu iha Stadium Munisipál Dili, Sesta (05/08).

Lee Mós :
MAE husu Funsionáriu Servisu tuir Regras no Méritu

Eventu ofisiál ohin loraik ida ne’e loke hahú iha Munisípiu Dili, maibé sei hala’o lansamentu atividade ba iha Munisípiu sira hotu iha Timor laran tomak.

Klube sira partisipa lansamentu hosi MAE, imajen TP/Ermelinda Caet.

Portantu orsamentu ne’ebé Governu liuhusi Ministériu Administrasaun Estatál (MAE), prevee ba aniversáriu Konsulta Popular ho montante porvolta rihun 100, hodi realiza ba atividade ida ne’e.

Nia konta atividade ne’ebé Organizadór halo sei hahú husi loron 5 Fulan Agostu to’o 30 maka Desportu Komunitariu ne’e hala’o iha suku hot hotu hanesan agora iha Dili suku sira hotu halo kompetisaun Desportu ne’ebé sira sei kompete iha suku no Postu administrativu lai, depois maka sira kompete iha Munisipál.

Lee Mós :
PNUD-MAE Realiza Workshop Posibilidade Modelu Balkaun Úniku Ba TL

Atividade ne’e hanesan seminaria hodi halo reflesaun kona-ba Selebrasaun Loron Konsulta Popular nian no mós halo feira Pameran, konser muzika, halo Marxa saudável ida ne’ebé hala’o ne’e inisiu hahú iha Rotunda Nicolau Lobato, mai to’o iha Jardín 05 de Maiu maka konsertu, ne’ebé sira sei konvida Prezidente Repúblika, no ema hotu ho Partisipa iha Marxa saudável ne’e.

“Hau husu ita hotu katak durante loron hirak ne’e tuir mai to’o 30 Agostu ita hotu partisipa iha atividade loron konsulta popular ne’ebé ohin lansamentu tiha ona”, nia haktuir.

Lee Mós :
Governu Lansa Fatuk Dahuluk ba Konstrusaun PA Loes

Tuir Observasaun Online Timor Post nota iha terenu katak lansamentu atividade ba komemorasaun loron konsulta popular ne’e hahú tuku 4:00 otl, portantu ba jogadór sira ne’ebé parsipa iha lansamentu atividade ba loron konsulta popular ne’e mai husi Postu administrativu Lima kompostu husi Postu administrativu Dom Aleixo, Vera Cruz, Nain Feto, Cristu Rei no Metinaru no Drumband husi Eskola São Paulo VI.

 1,839 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MAE Lansa Atividade Hodi Prepara ba Komemorasau…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No