Membru F-FDTL Na’in-27 Hetan Promosaun Deviza

Mario da Costa - Jeral
Reportajen : Beatriz Belo
Editor : Mario da Costa
  • Share

DILI (Timor Post)- Membru na’in-27 iha instituisaun FALINTIL- Forsa Defeza Timor-Leste (F-FDTL), iha loron Segunda (01/08), hetan promosaun devizas husi Komandu F-FDTL.

Hafoin halo promosaun Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, husu ba membru promovidu sira hotu, ne’ebé iha instituisaun F-FDTL nian, atu hamutuk lori instituisaun ne’e ba di’ak.

ADVERTISEMENT
SCROLL FILA BA NOTISIA

“Ohin ita marka tan istória ida iha dezenvolvimentu forsa armadas nian, ha’u hein katak, agora ne’e halo promosaun iha nível inpiksaun iha komponente hotu-hotu ne’ebé ohin loron 01 fulan Agostu tinan ne’e halo promosaun,” nia hateten iha Auditorial Ministériu Defeza Kuartél Jenerál Fatuhada.

Lee Mós:
Medida Rua ba Membru UPF Fasilita Movimentu Ilegal iha Fronteira

Nia dehan, dezenvolvimentu Forsa Armadas komesa hahú kresimentu kuandu investidór lideransa foun loron 02 fulan Fevreiru tinan 2002, ninian kontinuasaun mak sira promove husi Major ba tenente kornel, kapitaun ba Major no segundu sarjentu ba sarjentu.

“Signifika ita boot sira-nia didikasaun ho dezenpenu, mais tanba la’ós ida de’it, maibé ita boot sira-nia sakrefisiu no vontade mak ita boot sira konkista tan pasu ida mai oin,” nia dehan.

Lee Mós:
Francisco Monteiro pede continuidade de trabalho realizado na Timor Gap
Tenente Jenerál, Falur Rate Laek, tula hela Diviza ba promovidu ida, Imajen TP/Beatriz Belo

Nia dehan, sira ne’ebé promosaun ne’e, hotu-hotu ho valor hanesan de’it, soke responsabilidade mak la hanesan, mezmu soldadu amnesia ida, soldadu seguransa ida, maibé hotu-hotu halo parte iha prosesu ida nia laran.

“Signifika ita boot sira nia esforsu mak sakrefisiu, ita boot sira dedikasaun, mak konkista posizaun hanesan, maijor ba tenente kornel, kapitaun ba Maijor no segundu sarjentu ba primeiru sarjentu sira,” nia hateten.

Nia hatete, sira konkista vitoria balu, mais buat naruk mak ba sira, entaun presiza hadi’a disiplina instituisionál no mós disiplina familiár.

Lee Mós:
PR Ho Kualidade Komandante Supremu Forsa Armada, Vizita Ofisiál Kuartel Jenerál F-FDTL

“Imi halo buat rua ne’e di’ak, entaun ita sei lao tan ba oin, se ita boot sira la halo buat rua ne’e di’ak, entaun ita bele mout fali iha dalan,” nia fó hanoin.

Enkuantu, promovidu ohin ne’e, Major ba tenente kornel na’in-ida, kapitaun ba Major na’in-rua no segundu sarjentu ba sarjentu hamutuk na’in-24.

 183 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Membru F-FDTL Na’in-27 Hetan Promosaun De…” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: