DILI (Timor Post) — Sekretaria Estadu Igualdade no inkluzaun (SEII), halo advokasia ba lei kontra violénsia doméstika iha baze kona-ba asuntu insestu, ne’ebé nia volume nafatin sa’e makas iha territóriu Timor-Leste.
“Ita haree lei kontra violénsia doméstika iha kódigu prosesu penal, la mensiona”, hateten Sekretária Estadu Igualdade no Inkluzaun, Maria do Rosario Fatima Correia, iha edifísiu Asia Foundation, Kinta (28/07).
Nia dehan, iha kódigu prosesu penal la tau hanesan insestu, no seidauk define didi’ak, tanba hanoin violénsia ne’e hosi aman halo ba oan, tiu halo ba nia sobriñu, avó halo ba nia bei oan.
Bazeia ba fenómenu foun, feto ho na’an, mós prosesu ne’e konsege to’o iha Tribunal, ho razaun tanba prevensaun artigu laiha, kazu insestu ne’e juis sira deside ho konsentimentu no problema refere absolve.
Kestaun ida mak, nia dehan, SEII nia esforsu ba futuru hato’o ba ministériu relevante, oinsá haree ba kazu insestu ne’ebé define ona, atu prensa mós ba iha lei kontra violénsia doméstika.
Tanba hanesan kazu ida (danus) estraga, lei ne’e rasik mós la prevee iha lei kontra violénsia doméstika, nune’e liña net-working nafatin ho Asian Foundation liuhosi Nabilan, hodi mellora liu tan lei violénsia doméstika iha Timor-Leste.
“Hosi kestaun ida ne’e vital tebe-tebes atu lori ba iha Parlamentu Nasionál (PN), atu bele apoiu, nune’e iha tinan ida ne’e, ita iha ona revizaun lei ba violénsia doméstika iha ita-nia nasaun Timor-Leste”, hakotu nia.
1,804 total views, 3 views today
Bele hare Video Seluk :