ADVERTISEMENT

Ro Militár Avaria, FM Husu Governu Aselera Manutensaun

Mario da Costa - Jeral
Jornalista : Beatriz Belo
Editor : Mario da Costa
  • Share

DILI (Timor Post)- Organizasaun Naun Governamenta (ONG), Fundasaun Mahein (FM), husu ba Governu Timor-Leste atu aselera Manutensaun ba ró Militár ne’ebé durante ne’e avaria.

Diretor Ezekutivu Interinu Fundasau Mahein, Abel Amaral, hatete sira,-nia parte hanoin forsa Naval nia problema kona-ba ro ne’e, la’ós foin mak akontese, dezde hari naval sira infrenta kona-ba oinsá faselidade hodi utiliza atu hala’o sira-nia servisu, liuliu kona-ba patrolia iha Tasi.

ADVERTISEMENT
SCROLL FILA BA NOTISIA


“Ita hotu hatene Ro Naval avaria hotu, tanba ne’e mak husi Fundasaun Mahein husu ba Governu atu lalais oinsá bele hadi’a ka halo manutensaun ro ne’ebé avaria ona, atu nune’e bele kontrola iha Tasi Kosta Súl,” dehan nia ba Media Online Timor Post, Domingu (24/07).

Nia dehan, kuandu forsa Naval laiha fasilidade hanesan ro ne’e imponsivel oinsá mak bele halo kontrolu rikusoin iha tasi.

“Tanba ne’e, husi parte fundasaun Mahein nian haree los duni, katak durante ne’e ita-nia forsa naval iha duni ro, maibé ro ne’e ki’ik, entaun nia la bele tama to’o iha kosta Súl,” nia konta.

Lee Mós :
Dom Virgílio pede a líderes nacionais que ponham fim a divergências políticas

Tanba ne’e aproveita oportunidade, nia dehan, Fundasaun Mahein sempre hato’o beibeik na Governu liuhusi Ministru Defeza, atu hanoin ona oinsá mak bele aranzu Ro ne’ebé di’ak no kualidade atu nune’e, forsa Naval sira bele uza halo patrolia iha tasi liuliu iha kosta Súl.

“Ita-nia forsa Naval haou hanoin sira servisu di’ak, maibé buat ida tasi ne’e diferente ho rai Maran, maski forsa Naval iha rekursu no iha kapasidade natoon, maibé fasilidade la adekuadu ida ne’e nafatin problema ba sira,” nia informa.

“Tanba ne’e mak ami Fundasaun Mahein hakarak rekomenda atu oinsá Ministériu Defeza atu aranzu fasilidade hanesan Ro, maibé Ro ne’ebé boot para oinsá sira bele hala’o knaar, kuandu Governu fasilita de’it ro ki’ik imposivel sira atu ba halo patrolia iha tasi ne’ebé ho lalolan boot,” nia hakotu.

Antes ne’e mós, Kapitão Mar E Guera, Komadante Komponente Naval, Higino das Neves, informa pratikamente durante nia tempu ne’e, seidauk iha ro ida ke halo operasaun so iha de’it Ro ki’ik rua ho naran Lar husi Governu Autralia, maibé Ro rua ne’e liuliu ba treinu nian.

Lee Mós :
PN Husu Governu Hatuur Justisa Nu’udar Kultura Lulik

“Ita-nia Ro hotu-hotu paradu, faze ba manutensaun dezde ha’u seidauk asume kargu, entaun ida ne’e mak situasaun, maibé ida ne’e la’ós sala ema ida nian, ita hotu nian, tanba problema ita-nia kompresaun ba iha area tasi ne’e, area ida ne’ebé foun, ita haree katak iha duni deszafiu,” nia hateten hafoin remata desmantela Ro iha portu Dili, Sesta (22/07).

Nia konta, iha tinan 2010 iha duni ro boot, apoiu husi Governu Korea oferese ro tolu mai iha Governu Timor-Leste, atu ajuda komponente Naval, hodi aumenta nia kapasidade operasional, maibé ro tolu ne’e, iha tempu ne’ebá Governu simu, no entrega ba gornasaun naval nian, maibé efetivu husi Naval seidauk barak, entaun Sira entrega rua ba unidade polisia maritima.

“Tanba ne’e, hela de’it ro ida mak hamutuk ho ami komponente Naval, maibé kuandu iha semana ida de’it, nia la konsege halo operasaun, tanba iha efisiensia ro ne’ebé tuan ona, banhira ita simu husi Governu Korea,” nia dehan.

Lee Mós :
Vítima ba Kazu Rai Bedois, Agora Hela Iha "Fahi Luhan"

Tanba nee, Timor-Leste, ladun iha kultura manutensaun entaun to’o agora sira-nia parte haree katak ro para de’it, depois okupa kaixa estadu dezenvolve, la halo atividade Komérsiu, mai para de’it, entaun ho ida ne’e mak sira iha planu atu desmantela hodi entrega ba iha patromiu Estadu.

“Ita-nia Ministru Defeza ho Jereral Xefe, komponente Naval prosposta deside katak, tenke desmantela, entaun ami desmantele tiha iha loron Sesta-feira (22/07), no entrega tiha ba Patrimóniu Estadu depois patrimóniu Estadu mak haree oinsá mak bele la’o,” nia dehan.

Ikus nia dehan, iha futuru sei hola ka sei oferese husi Governu Australianou sira, durante ne’e, Ro forsa Naval ne’ebé hola husi Xina mak hanesan Jaco ho Betanu, maibé ida ne’e mós sei hein ba manutensaun, entaun pratikamente forsa Naval laiha Ro.

 2,246 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ro Militár Avaria, FM Husu Governu Aselera Manu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No