ADVERTISEMENT

20 Agostu, F-FDTL Komemora Loron FALINTIL ba Dala-47

Mario da Costa - Jeral
Jornalista : Beatriz Belo
Editor : Mario da Costa
  • Share

DILI (Timor Post)—FALINTIL-Forsa Defeza Timor-Leste (F-FDTL), sei komemora loron FALINTIL nian ba da-47 ne’ebé monu iha loron 20 fulan Agostu tinan ne’e.

Portavós F-FDTL, Kapitaun José Antonio Nunes, hatete Komemorasaun loron FALINTIL ba tinan ne’e ho tema sentrál, “Os valores das Falintil no Prosecco Construção Nacional F-FDTL”.

ADVERTISEMENT
SCROLL FILA BA NOTISIA


“Iha komemorasaun ne’e sei iha atividade marxa iha fatin istóriku hahú loron 29 Jullu tinan 2022 to’o remata, kamino ba iha larigutu, Burake no Maubai, sei iha mós doasaun ran sei halo iha 02 Agostu tinan ne’e iha Hospital Nasionál Guido Valadares (HNGV), sei iha mós atividade kuda ai-oan iha loron 05 Agostu iha Metinaru.

Iha parte hanesan sei realiza semináriu iha loron 18 Agostu tinan 2022, iha Kuartél Jenerál Fatuhada Dili, no sei iha mós Misa agradesimentu iha loron 12 Agostu 2022 iha Igreja Motaél no sei tau ai-funan iha jardín eroi Metinaru.

Lee Mós :
General Lere impede que Ângela conduza ação de protesto

Nia haktuir, sei halo parada Militár ba iha loron 20 fulan Agostu 2022 iha Kuartél Jenerál Fatuhada Dili, se halo vizita ba iha fatin turístika ba komunidade internasionál sira no halo mós iha loron 20 Agostu parte lokraik, iha fatin João Paulo II, Muzeum, Santa Krús no Kristu Rei, se halo animasaun kulturál no tiru fogete iha loron 20 Agostu kalan iha Kuartél Jenerál Fatuhada Dili.

“Atividade sira ne’e mak F-FDTL sei halo ba komemorasaun refere, ba populasaun iha Timor laran tomak, loron Falintil ita hotu nia loron, iha tinan 47 liubá ita-nia asuwa’in feto no mane, ferik ka katuas joven ka labarik ho aten brani ho hamriik hodi deside luta kontra invazaun Indonézia tanba hakarak ukun rasik aan,” Nia dehan liuhusi Konferénsia Imprensa iha Kuartél Jeneral F-FDTL Fatuhada, Kinta (21/07).

Lee Mós :
PN preocupado com falta de postos de polícia nas fronteiras terrestres

Tanba ne’e, iha loron ne’e, loron ba ema hotu-hotu no festa bele komemora iha ne’ebe de’it, tuir kbiit ne’ebe iha, hodi valoriza nafatin espíritu patriotizmu no nasionalizmu asuwa’in Heroina no Heronios sira nia luta.

“Husi instituisaun F-FDTL iha momentu ida ne’e la konsege ba komemora ho ita boot sira iha baze ne’ebá hanesan Munisípiu, Postu Administrativu, Suku, Aldeia iha ne’ebá, tanba kestaun finansiamentu ne’e mak limitadu impaktu husi krize Kalamidade ne’ebé ita hotu enfrenta,” dehan nia.

Nune’e, husi instituisaun F-FDTL husu deskulpa barak ba públiku sira-nia komprensaun, no sei iha tempu ka iha oportunidade seluk iha futuru, mak sei bele relativamente sei komemora hamutuk iha baze.

Lee Mós :
PR Ho Kualidade Komandante Supremu Forsa Armada, Vizita Ofisiál Kuartel Jenerál F-FDTL

Tanba ne’e, nia hato’o mós ba grupu ka indivídu ne’ebé ho talentu múzika karakter toka kultura ruma karik bele voluntariamente hakbesik an ba rejistu iha komisaun organizadora iha Kuartél Jeneral Fatuhada Dili, atu nune’e bele anima festa ne’e iha Kuartél Jeneral Fatuhada Dili iha loron 20 Agostu lokraik to’o iha kalan.

Tan ne’e, nia hakarak apela ba públiku ne’ebé hela besik iha Dili, katak aberturamente instituisaun F-FDTL loke hela kompetisaun jogu amizade, taxa rotativa Falintil klubu 20 ne’ebé rejistu inisiu jogu iha loron 19 Jullu tinan ne’e, iha kampu F-FDTL Kuartél Jenerál Fatuhada Dili ho oráriu kada lokraik iha oras tuku 03:00 lokraik.

 2,294 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “20 Agostu, F-FDTL Komemora Loron FALINTIL ba Da…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No