IOM-UNICEF Realiza Workshop Avalia Vulnerabilidade no Reziliensia ba Komunidade

Mario da Costa - Jeral
Reportajen : Mariano Abi
Editor : Asisten Hermenegildo da Costa Tilman
  • Share

Dili (Timor Post)– International Organization for Migration (IOM) ho United Nations Children’s Fund (UNICEF), realiza abertura workshop hodi avalia vulnerabilidade no Rezilensia iha komunidade sira iha fronteira terestre Timor-Leste.

Enkuantu iha fronteira terestre Timor-Leste nian iha munisípiu tolu, kompostu husi fronteira Bobonaru, Covalima, no mós fronteira Oe-kuse. Husi Munisípiu tolu ne’e iha suku 24, populasaun hamutuk 71,058- 6%, nune’e Feto 35,360 no Mane 36,698.

ADVERTISEMENT
SCROLL FILA BA NOTISIA

Tuir Rezidente Coordinator UN iha Timor-Leste, Roy Trivedy, hatete workshop ida ohin atu komesa programa ba avaliasaun kona-ba Covid-19 fó impaktu ba komunidade iha fronteira kompostu fronteira Bobonaru, Covalima, no mós fronteira Oe-Kuse.

“Ita hatene impaktu Covid-19 ne’e halo situasaun ne’e komesa a’at liu tan, no espesifikamentu kona-ba situasaun ba ema ho vulnerabilidade,” nia dehan ba jornalista hafoin remata abertura workshop iha Timor Plaza Maubara Room, Tersa (19/07).

Lee Mós:
Komunidade Tasi-tolu Halerik Bee Moos

Roy subliña, entaun programa ne’e avalia situasaun neste momentu ko’alia kona-ba situasaun, tanba ho informasaun ne’e, maibé Governu, autoridade, ho organizasaun internasionál bele suporta komunidade iha maneira efikásia.

“Iha suku 24 ne’ebé iha fronteira, nune’e mós ema pasajen tama sai husi fronteira ne’e, ita haree barak liu mak liuhusi Terestre (Darat) ne’e kuaze 70% ital,” Roy dehan.

Nia hatete, tanba ida ne’e mak servisu hamutuk ONU nian ho Governu oinsá mak atu bele proteje no ajuda sira ne’ebé vulnerabilidade fronteira nian.

Ho nune’e objetivu (Kick off) ne’e liu-liu ho mapeamentu avaliasaun atu hetan Lacunas ou evidénsia ne’ebé bele fornese nu’udar baze ida ba Governu no mós ONU, parseiru dezenvolvimentu sira atu bele fó apoiu oinsá bele liberta povu sira iha fronteira ne’ebé moris iha vulnerabilidade nia laran.

Lee Mós:
Ministro José Agustinho preocupado com entradas ilegais nas fronteiras

“Nune’e ho mapeamentu ida ne’e atu hetan evidénsia ruma ne’ebé, nu’udar evidénsia ida ne’ebé util, válidu ho ninia kualidade atu ajuda Governu, halo polítika ida ne’ebé di’ak liu atu bele hadi’ak liu situasaun sira ne’ebé ita-nia maluk sira hasoru iha fronteira,” nia dehan.

Iha fatin hanesan, Vise Ministru Interior (V-MI), António Armindo, haktuir ida ne’e hanesan onra ida ba nia, atu reprezenta Governu Timor-Leste mai iha partisipa iha Workshop ida ne’ebé konjuntu husi IOM no UNICEF, ho ninia tema maka Avalia Vulnerabilidade no rezidénsia ba iha komunidade sira iha Timor-Leste.

“Ha’u mós hakarak agradese ba reprezentante ONU nian, ne’ebé ho neon boot hakarak atu haree aspetu seguransa liu-liu ita-nia komunidade sira ne’ebé iha fronteira terestre Timor-Leste nian,” nia dehan.

Lee Mós:
Komunidade-Estudante RAEOA Husu Governu Rezolve Problema Ró

Nia hatutan, hanesan ema hotu hatene katak, antes pandemia Covid-19 afeta movimentu tomak iha fronteira terestre Timor-Leste ba iha maluk sira iha komunidade ne’ebé halo negósiu iha fronteira, portantu iha Timor-Leste nian no Indonézia nian.

“Importante liu mak sira bele halo negósiu formal no Informal ne’ebé akontese iha fronteira, ita hatene mós katak, kuaze 6% mak ita-nia komunidade sira hela iha fronteira terestre nian,” nia afirma.

Enkuantu, partisipante iha workshop ne’e, maka Estudante UNTL, Komandante UPF husi Munisípiu tolu (3), Bobonaru, Covalima no RAEOA.

 442 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “IOM-UNICEF Realiza Workshop Avalia Vulnerabilid…” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: