DILI (Timor Post)–Relasiona ho agora ema barak preokupa ho liña internet ne’ebé lentu demais, Prezidente Repúblika, José Manuel Ramos Horta, hatete klaru ne’e sempre halo ema hotu-hotu estres.
“Klaru katak sempre halo ita estres, mais ne’e ha’u esplika tiha ona, no solusaun mak Governu haree daudaun ona, fiber optika atu mai husi Darwin, Alor no Atambua,” nia dehan bainhira halo vizita iha Telekomunikasaun Timor Telekom, Kaikoli, Kuarta (13/07).
Nia subliña, husi ida ne’e, iha tempu badak sei aselera rede internet ho di’ak, maibé kauza mós tanba liña eletrisidade ne’ebé mate lakan no fallansu sira ne’e la’ós rejista de’it iha rai laran, maibé iha mós nasaun li’ur hanesan Indonézia.
“Iha tempu badak sei aselera rede internet ho di’ak no utilizadór barak tebe-tebes no problema sira ne’e la’ós de’it problema Timor Telekom nian, maibé kauza mós tanba liña eletrisidade ne’ebé mate lakan no fallansu sira ne’e la’ós rejista de’it iha rai laran, maibé iha mós nasaun li’ur hanesan Indonézia”, nia hateten.
Maibé, nia dehan iha tinan rua tan bele iha ona kabu submariñu ne’ebé mai husi Darwin, Alor, no mós fiber optika mai husi Atambua no Timor nia Telekomunikasaun sei sai hanesan sékulu XXI,” nia informa.
653 total views, 3 views today
