ADVERTISEMENT

Prezidente Repúblika Halo Vizita Ofisiál ba Operadór Timor Telekom

Mario da Costa - Jeral
Jornalista : Mariano Abi
Editor : Mario da Costa
  • Share
Caption: Prezidente Repúblika, José Manuel Ramos Horta, Halo vizita ofisiál ba iha Operadór Timor Telekom, Kuarta (13/07), Imajen TP/Mariano Abi

DILI (Timor Post)–Prezidente Repúblika, José Manuel Ramos Horta, Kuarta (13/07), halo vizita ofisiál ba iha Telekomunikasaun Timor Telekom (TT), Kaikoli, simu direta hosi Diretór Diresaun Juridika Relasaun Instituisaun, Timor Telekom, Manuel Carseres, no estrutura.

Iha vizita ne’e, Xefe Estadu, mós haree diretamente instalasaun téknika, inklui NOC no sala DSI, Sistema Enerjia, Sala Tranzmisaun (MUX Room), Data Center 01 (B/OSS), no Data Center 02 (Komputadór Movel no Fiksu, ISP).

ADVERTISEMENT
SCROLL FILA BA NOTISIA


Tuir Prezidente Repúblika, José Ramos Horta, iha nia entrevista, hatete ne’e hanesan tinan lubuk ida mak la mai, mais uluk nia halo vizita nu’udar Ministru Estranjeiru, hamutuk ho Primeiru Ministru, Mari Alkatiri, kuandu sira ba halo karrega butaun hahú iha tinan 2002.

Lee Mós :
Horta Dekreta Eleisaun Parlamentár iha 21 Maiu 2023

“Uluk bainhira ha’u sei hanesan Ministru, vizita ona Timor Telekom, bainhira sira-nia fatin sei iha Hotel Timor, depois iha 2007, ha’u mós halo tan vizita mai no kleur ona ha’u la mai no admiradu ho impresaun di’ak tebe-tebes ho teknolojia no ema ne’ebé iha ne’e 100% Timoroan, jestaun, tékniku, enjeñaria no buat hotu-hotu,” nia hateten hafoin remata vizita iha resintu Timor Telekom, Kaikoli.

Nia subliña, Timor Telekom iha tinan hirak nia laran totál investimentu liu dolar Amerikanu millaun 200, ne’ebé investe iha Timor no osan husi Timor Telekom nian la ba fatin ruma no hela iha Timor-Leste.

Lee Mós :
Meza no Kadeira Foun ba PPN-VPN Folin Dolar Rihun 4 Resin

“Estadu Timor-Leste hanesan sósiu hola parte kompañia ho 20 ital porsentu, ne’e duni Estadu devia haree defende nia interese no viabiliza Timor Telekom ne’ebé hanesan ita-nia kompañia rasik. Setór privadu hotu-hotu ne’ebé konvida ha’u ba tanba sira kria empregu iha rai ne’e, hanesan setór privadu Timor-Leste ka estranjeiru ne’ebé kria empregu iha rai ne’e ki’ik ka boot ha’u sempre prontu ba vizita hodi rona sira-nia problema, planu no mehi”, nia hateten.

Maibé nia hatutan, Timor Telekom ne’ebé Timoroan lubuk ida mak servisu iha laran, ohin tama hanesan bai-bain ba iha aldeia ka suku ruma ne’ebé ema atus ba atus, iha ne’e signifika Timoroan lubuk ida mak depende ba Timor Telekom.

Lee Mós :
Orsamentu Retifikativu Iha Prosesu Diskusaun PN, Semana Oin Prezidente Anunsia

Nia hatutan, limitasaun balun ne’ebé Timor Telekom, la bele resolve ne’e tanba Timor-Leste seidauk iha kabu submariñu modernu, no buat hotu-hotu liuhusi satelite no liuhusi kontratu fali ho Telekomsel no bainhira Telekomsel falla impaktu mós ba Timor Telekom.

“Maibé iha tinan rua tan bele iha ona kabu submariñu ne’ebé mai husi Darwin, Alor, no mós fiber optika mai husi Atambua no ita-nia Telekomunikasaun sei sai hanesan sékulu XXI,” nia afirma.

 1,816 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Repúblika Halo Vizita Ofisiál ba Ope…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No