Reportajen Estaziada Ermelinda Caet /Asistente Editor Hermenegildo Tilman
Dili (Timor Post)—Selebrasaun Loron mundiál ambientál nian ba tinan id ne’e, Padre Venâncio da Costa, SJ hanesan oradór iha serimónia ne’e hatete, Hadomi natureza hahú husi buat ki’ik oan limpeza uma laran, no mós limpeza ida-idak ninia aan rasik tanba buat hotu ne’e imajen husi Maromak nian.
“Ema hela iha mundu ne’e la hela esternatu iha ne’e, maibé tenke hanoin katak husik hela mundu ida ne’e ba jerasaun foun ne’ebe atu mai mós iha direitu hodi uza mundu ne’e hanesan ita uza daudaun ne’e, atu nune’e labele destrui rai nia bokur”, Pe. Venâncio da Costa, SJ. hateten hafoin partisipa serimónia loron mundiál ambiente iha salaun Delta Nova, Tersa (14/06).
Nia hateten mundu ne’e sai hanesan uma ida ba ema hot-hotu hanesan ema ki’ak, riku, matenek, beik no mós ema se de’it, hotu-hotu tenke hadomi natureza iha mundu ne’e, tanba hadomi planeta ida ne’e hanesan inan ne’ebe sempre oferese hahán mai.
Iha dokumentu Laudato Si, Santu Padre husu ema hotu atu servisu hamutuk hodi defende ezisténsia natureza nian katak labele halo destruisaun ba natureza ne’e, maibé oinsá mak atu kuidadu natureza ne’e hodi nafatin matak “, Nia informa.
Agora mundu modernu hakarak buat hotu lalais hanesan fabrika sira ne’e, presiza fatin ne’ebe luan, hodi halao sira nia fabrika, hodi hamosu poluisaun, plástiku no ikus hamosu lixu barak hodi estraga natureza ne’e.
“Agora oinsá maka ita hare natureza ne’e hanesan Inan, entaun ita nu’udar oan presiza tau matan ba rai ne’e, tanba husi rai ne’e oferese ona mai ita hahán ne’ebe mak la menus iha ita nia moris, tanba ne’e presiza ita nia kuidadu”, Nia apela (Lee Notísia Seluk Iha Jornál Timor/Asesu Notísia Iha You Tube Timor Post).
1,448 total views, 3 views today
Bele hare Video Seluk :