Jornalista: Jaime Pires/Editor Augusto Sarmento
DILI (Timor Post)- Deskonfia kompañia KMF hatama item aimoruk mai la tuir padraun no la kumpre rekizitu ho Alfándega hodi hatama aimoruk Ilegál, no falsifika hotu karimbu.
Tanba ne’e Polísia Nasionál liuhusi Servisu Investigasaun Kriminal Nasionál (SIKN), hamutuk ho servisu Servisu Nasionál Intelijénsia (SNI), tun hodi halo kedas inspesaun ba aimoruk ne’ebé mak kompañiaKMF hatama.
Enkuantu PNTL liuhusi servisu Investigasaun Kriminal Nasionál Halo inspesaun desde hodi kalan tuku 11:00 to’o tuku tolu madrugada no ohin tuku ohin tuku ualu dadeer kontinua halo suspensaun.
Tuir informasaun ne’ebé mak Timor Post hetan Ministériu Saúde liuhusi SAMES kontrata ho kompañia Klinika KMF atu hatama aimoruk Iitem lima de’it, maibé aimoruk tama liutiha fali Iitem lima no mós hatama fali ho aimoruk sira seluk ne’ebé mak governu la husu.
Tanba deskonfia Kompañia halo falsifikaun dokomentus inklui karimbu mós iha nanis komputador laran hodi prin sai de’it, nune’e mós aimoruk tama, parte Alfándega la halo inspensaun hodi autoriza aimoruk sai husi portu Dili hafoin parte Polísia intelijénsia sira deteta iha SAMES.
Fó hanoin fali katak, aimoruk hirak ne’ebé mak sira hatama ne’e Hospital iha Teritoriu Timor laran tomak presiza tebes, maibé sira hatama mai la hatama iha SAMES lori fali ba sira nia Klinika.
Enkuantu dokomentus ne’ebé mak parte Investigasaun hetan katak, aimoruk Iitem lima ne’e mak Ministériu rekomenda sira falsifika hotu no hatama fali aimoruk seluk.(*)
748 total views, 3 views today
Bele hare Video Seluk :