(Reportajen Estaziadu mj12/Editora Suzana Cardoso)
DILI (Timor Post) – Sekretáriu Jerál Frente Revolusionáriu de Timor Leste Independénsia (FRETILIN), Mari Bin Amudi Alkatiri hateten, nia mai Timor-Leste tanba preokupasaun boot kona ba eleisaun períodu 2022-2027 hodi garante no konsolida pás no estadu direitu demokrátiku.
“Ha’u hanoin tempu ona ba ami jerasaun tinan 1974-1975 sira atu buka halibur malu hodi halo balansu ba Timor-Leste, hafoin restaurasaun independénsia”, hateten Mari iha CCF Dili, Kinta, (27/01/2022).
Nia esplika liután, balansu ne’e importante tebes atu bele hatene momoos, semak halo saida no semak la halo buat ida, maibé ko’alia barak. “Ha’u dehan ba Prezidente da Repúblika atu re-kandidata tanba Ramos Horta moos re-kandidata. Nune’e, ami na’in rua, ha’u ho Xanana halo prosesu ba ida ne’e”, Marii Alkatiri dehan.
Hahú ohin ba oin katak Marii Alkatiri, sei konvoka hodi konvida sira seluk atu bele iha korajen halo (face to face) hodi halo balansu ba Timor-Leste post restaurasaun independénsia. Nia parte, sei la halo apelu ba públiku. Maibé, sei hakerek ba lideransa 1974-1975 sira katak ema ne’ebé lidera no ukun ho faktu ne’e mak lideransa.
Lee Notisia Relevante: Konferensia CNRT, Xanana Fo Bensa No Futu Horta Ba Prezidente Republika
Tanba tuir Mari Alkatiri, laos hotu-hotu tau nia aan sai lideransa hodi bele hare no kontinua hanoin ba kotuk. Maibé, hotu-hotu hamutuk tenke hateke ba oin. Tinan lima tan tenke iha kapasidade lideransa tinan 1974-1975 para impoin dinámika ba tranzisaun ne’ebé melloramentu hodi konsolida pás no estabilidade para hateke ba oin.
Katak Marii Alkatiri, kuandu iha ona kandidatu ida ne’ebé Fretilín apoia, ne’e ho intensaun ida ne’ebé di’ak. Tamba, atu sai PR Laos atu hahú krize foun, maibé tenke hakotu krize. Maski, iha kandidatu seluk laos atu hakotu krize. Maibé kontinua krize.
Hateten Mari Alkatiri, atu sai PR órgaun soberanu ba estadu mak halo desizaun sala, laiha parsiál. Nee kontra ona funsionamentu normal ba estadu direitu demokrátika, kultura no institusionál.
Hasoru situasaun polítika rai laran, Mari Alkatiri prontu atu hasoru oin ho oin (face to face). No ulun ba ulun. Prontu hodi halo balansu. Se maka halo saida, se mak hetan forsa iha tempu krize husi tinan 2006 to’o agora, sempre hadook aan husi krize,
“Konvoka ona ba komisaun polítika sira hodi re-afirma apoiu Fretilín hodi apoiu Lu Olo. No mákina Fretilín nian sei apoiu ba Lu Olo. Tamba, nia sai PR iha vizaun ida hakarak sai Independente, maibé obrigasaun Fretilín nian atu fó apoiu ba Lu Olo. (Lee Notísia Seluk Iha Jornál Timor Post/Asesu You Tube Timor Post)
627 total views, 3 views today
Bele hare Video Seluk :