ADVERTISEMENT

Eleisaun Jerál: UNDP – CORE-TL ho AHDMTL Organiza Formasaun Letra Braille ba Ema ho Difisiénsia Matan

  • Share
Foto Hamutuk

Jornalista Estajiáriu Mariano Do Santos / Editór Noémio Falcão

Dili (Timor Post) — Programa Dezenvolvementu Nasoens Unidas (UNDP) ho Covid-Resilient Elections Timor Leste (CORE-TL),  hetan apoiu husi Governu Japaun kolabora ho Assosiasaun Ema Halibur Defisiensia Matan Timor Leste (AHDMTL) hala’o formasaun Letra Braille ba ema ho difisiénsia matan.

ADVERTISEMENT
SCROLL FILA BA NOTISIA

Programa ne’e hala’o iha munisípiu Aileu, Lautem no Manufahi, nune’e bele hasa’e númeru  partisipasaun ema ho difiensia matan sira iha eleisaun jeral sira tuir mai.

Reprezentante UNDP iha Timor Leste, Munkhtuya Altangerel haktuir, Formasaun ne’e hala’o tiha ona iha iha loron 22/11 to’o loron 03/12/2021.

“Ema na’in 120 husi munisípiu sira halibur hamutuk iha Aileu, Lautem, no Manufahi atu hasa’e sira nia kapasidade kona ba Letra Braille nune’e mos asesu ba informasaun sira kona-ba eleisaun no meus sira oinsa prevene COVID-19,” Munkhtuya subliña iha diskursu.

Lee Mós:
Quatro estudantes da ESSJO detidos após divulgação de vídeo de agressão no Facebook

Eventu ne’e akontese iha Hotel Timor, Segunda (06/12/2021), ne’ebé mak partisipa husi UNDP, AHDMTL, no Embaxada Japaun iha Timor – Leste, Comisaun Nasional Eleisoens (CNE), Sekretariu Teknika Administasaun Eleitoral (STAE), ho parseiru sira seluk.

“Atu labele husik ema ida iha-kotuk, ida ne’e nudar prinsipiu universal ba Ajenda Dezenvolvementu Sustentavel 2030, ho ninia intensaun atu reduz dezigualidade no vulnerablidade ne’ebé mak hatu’un ema ida-idak ninia potensial,” Munkhtuya hatutan.

Nia haktuir, liu husi Projeitu UNDP Covid-Resilient, promove inkluzaun husi grupu sira ne’ebé ladun iha reprezentasaun hanesan feto, Joven no ema ho difisiensia sira nune’e bele hasa’e sira nia partisipasaun iha eleisaun sira no asesu ba prosesu demokrasia.

Lee Mós:
Parlamentu Nasionál Kontinua Diskute Lei Direitu ba Autór

Iha sorin seluk Diretur Ezekutivu AHDMTL, Sr. Gaspar Afonso agradese ba programa UNDP, bele kolabora ho ami husi irmao Tito no sebastion ho ninia ekipa hotu-hotu iha ne’e kolabora ho ami, atu fo formasaun ba ema ho defisiensia ho matan sira.

”Formasaun ida ne’e fasilita ema ho defisiensia ho matan sira nune’e bele hola parte iha eleisaun sira ne’ebé mak sei ami, maibe edukasaun inkluzivu ida ne’e mos kapasita sira ho matenek ne’ebé mak sira bele hanorin fali sira nia maluk difisiensia matan sira iha formasaun sira tuir mai,” nia dehan.

Nia sublina, obrigadu ba Diretor Estadu CNE no STAE bele marka prezensa iha nivel ida ne’e, saida mak ita atu hare hamutuk karik ba oin ema ho defisiensia ho matan 120 mak hetan formasaun ne’e,  husi area neebe mak serbisu hamutuk ho UNDP iha rejiaun tolu (3), iha Lautem, kompostu husi Manututu, Vikeke, Baukau no Lospalos, iha rai klaran nian kompostu husi Manufahi, Kovalima no Ainaro konsentru iha Manufahi, ate iha Aileu kompostu husi Ermera, Likisa no Dili konsentra iha Aileu.

Lee Mós:
Estrada que liga Tasi Tolu a Tíbar concluída em dezembro

Ikus liu hanesan Konselor husi Embaxada Japaun iha Timor-Leste, Kazumi Yamada hatete, formasaun ba letra braille ne’e, la’ós de’it ba fornese oprtunidade atu hasa’e kapasidade kona ba letra braille, maibe mos liu-liu ba ofice sira bele asesu kona ba informasaun no mos informasaun meus kona ba Covid-19 nian.

 436 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Eleisaun Jerál: UNDP – CORE-TL ho AHDMTL …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: