ADVERTISEMENT

Dom Norberto Haktuir Pasajen Ikus Hamutuk Ho Bispu Basílio

Timor Post - Jeral
  • Share
Bispu Diocese Baukau Dom Basílio do Nasimento, Pr bainhira evakua mai Dili. (Foto Medsos)

(Reportájen Agusto Sarmento/Editor Suzana Cardoso)

DILI (Timor Post) – Bispu Dioseze Maliana Don Norberto do Amaral haktuir esperiensia Moris no pasajen dala ikus nian hamutuk ho Bispu Basilio Do Nascimentu.

ADVERTISEMENT
SCROLL FILA BA NOTISIA


Bispu Diocese Maliana Don Noberto Amaral haklean istoria loron tolu hamutuk ho Bispo Basilio hosi dia 28 outubru.

Iha loron 28 Outubru 2021 ne’e sei iha misa ordenasaun iha Suai, Amo Bispu Basilio mos ba partisipa tanba ninia subriñu Pe. Francisco Indra moos ordena hamutuk ho Pe. Joao Guterres ne’ebé mos sei relasaun familia hosi oan sarani hosi Bispu Basilio ninia aman.

Festa lao kapas, sei hein to’o dahur. Maize menus to’o tuku 24:00 kalan. Iha ordenasaun ne’e Bispu Basilio maka hato’o homilia koalia komik-komik halo ema hotu hamnasa no liu ba Suai. Iha ne’ebá Bispu Basílio sei ho Amo paroku Suai sei ba halo misa iha fatin moris Bispu Basilio nian.

Lee Mós :
FRETILIN ho PLP Lansa Konvite ba Deklarasaun Konjunta

“Iha ne’e mak hau fatin hakoi hau nia husar,” haktuir Bispu Norbertu hodi lembra metin istoria pasajen moris iha loron ikus Bispu Basilio nian iha Suai.

Iha kalan festa, Amu Bispu Basilio Șei husu tuir ninia belun eskola hamutuk iha seminariu Dare, momentu ne’e sira nain neen hemu hamutuk tintu boter rua.

Hafoin Bispu Basílio husu atu bă Sintina, teki teki labarik sira mai, bolu Bispu Norberto atu lalais tanba Bispu Basilio monu iha kalan ne’e, hafoin Bispu haree Bispu Basilio laos monu iha rai, maibe tur hela iha kadeira.

Lori Bispu Basilio ba Ospital Suai tuku 22:00 kalan, “osan barak, aparellu Antigu sasan barak sabraut hela,” afirma Bispu antes enserra missa rekuem iha katedral, Sabadu, (29/10) hodi espresa lamentasaun ba kondisaun ospital Suai.

Lee Mós :
Myanmar - Presidente Aung San Suu Kyi detida por militares

Iha kalan nee kedas hetan asistensia medika, evakua Bispu ba hospital tula ho Karreta Ministru Edukasaun Armindu Maia nian hafoin halo diagnostika nune’e husu atu lori kedas mai Dili.

“Kalan labele, tanba pista iha aeroprotu Suai nakukun aviaun laos ita nian,” sita Bispu Norberto hodi hahktuir desizaun atu evakua Bispu Basílio maibé aviaun la disponivel.

Kontaktu tun sae ba governu, hafoin hetan resposta katak aviaun iha disponibilidade ba dadeer tuku neen.

Iha dadeer, Bispu Norberto ho Ministru Edukasaun, Prezidente autoridade Munisipiu Covalima esforço hein tuku neen dader, aviaun la too. Tuku hitu liu maka aviaun foin mosu ba ho espesialista nain rua.

Hafoin halo tan diagnostica husi espesialista nain rua, iha tuku 8:00 too tuku 10:00 dadeer hatete katak tensaun diak hela, maibé fuan mąką perigu. Hein normaliza lai, ho kbiit Maromak nian konsege hetan espasu katak fuan normaliza oituan no bele evakua mai Dili.

Lee Mós :
Mate-Isin Jape Kong Su Sai Hosi Díli ba Hera

Amu Bispu Basílio tiu tiha katak Bispu Norberto iha Suai sei iha misa moruk hosi Padre Francisco Indra. Iha minutu ikus enseramentu misa Padre foun foin foti liman bensaun ikus misa nian rona mensajen tama, “ Bispu Dom Basílio laiha tiha ona,” haree mensajen ne’e Padre foun nain rua hakuak malu iha altar oin tanis. Situasaun nee dada emosaun ema hotu nian ema hotu neebe participa misa hamonu mata been. Sarani balun tanis too lelir. Ida ne’e mak pasajen dala ikus nian hamutuk ho Bispu Basilio Do Nascimentu.(***)

 510 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Dom Norberto Haktuir Pasajen Ikus Hamutuk Ho Bi…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No