ADVERTISEMENT

BOP Hetan Apoiu Material

Timor Post - Jeral
  • Share

DILI (Timor Post) – Ekipa voluntáriu PNTL-Mama Bolu Timor-Leste parseria ho Asosiasaun Emprezáriu Juventude Xinés Timor oan (sigla; AEJC), apoiu material konstrusaun ba Unidade Espesiál Polisia (UEP), hodi hadi’a fali armazein BOP (Batallaun Ordem Publika), COP A nian iha Kaikoli, ne’ebé kondisaun at ona durante uza tempu naruk.

Tuir informasaun ne’ebé Timor Post, asesu hosi portál ofisiál Ministériu Interior, katak apoiu ne’e entrega direita hosi koordenadór Grupu Emprezáriu Xinés, Rudy Kwan, ho ekipa Mama Bolu ba iha komandante COP A, inspetór polisia, Gregorio Freitas, iha kompañia Alfa Kaikoli, Dili.

ADVERTISEMENT
SCROLL FILA BA NOTISIA

Rudy Kwan, hatete apoiu ne’ebé sira fó ho kbiit ne’ebé sira iha kontribui hosi emprezáriu juventude Xinés ida-idak iha situasaun ne’ebé hasoru.

Lee Mós:
Ministériu Defeza Presiza Tau Atensaun ba Membru F-FDTL Idade Avansadu

“Asosiasaun ho Grupu Mama Bolu Timor-Leste foin lalais ko’alia ho Vise-Ministru Interior, Antonio Armindo kona-ba atu hadi’a fatin balu iha Kompañia Alfa BOP tanba daudaun ne’e sira nia fatin parajen at ona iha tempu naruk to’o agora seidauk hadi’a. Entaun Asosiasaun emprezáriu juventude Xineza iha inisiativa atu fó apoiu ruma nu’udar asaun umanidade pozitivu hodi lolo liman hamutuk tulun netik hirak ne’ebé presiza, tanba ita hatene katak polisia maka servisu hodi fó asisténsia no tau matan ba estabilidade”, dehan Rudy, ba jornalista sira iha COP A Kaikoli, domingu ne’e.

Xinés timor oan ne’e relata, material konstrusaun ne’ebé sira apoiu maka hanesan, besi kuadradu lolon 60, parafuzu kaixa 5 no kalén metro 6 hamutuk tahan 96.

Lee Mós:
Analfabetismo atinge mais de 30% da população timorense adulta

Iha fatin hanesan, Komandante UEP, Superintendente Xefe Polisia, Orlando Gomes, agradese ba ekipa Mama Bolu ne’ebé ajuda ona BOP COP A.

“Ita agradese tebes ba ekipa Mama Bolu ne’ebé halo pedidu buka parseria ho Asosiasaun Emprezáriu Juventude Xineza sira ne’ebé ho laran luak mai to’o iha ne’e hodi apoiu ona ami”, dehan Orlando Gomes.

Komandante UEP ne’e esplika, esforsu sira ne’e mai mós husi Vise-Ministru Interior Antonio Armindo, ne’ebé envolve mós iha grupu Mama Bolu-PNTL nian.

“Apoiu materiál konstrusaun ne’e oferese hafoin iha fulan kotuk Vise-Ministru Interior ho ekipa Grupu Voluntáriu Mama Bolu hala’o vizita diretamente ba haree kondisaun ne’ebé harii husi uma tali tahan no armazein ne’e konstrui husi GNR sira iha tinan 2012 liubá, daudaun nia kondisaun komesa lahuk ona no iha tempu udan been tama hodi estraga materiál serbisu nian.

Lee Mós:
Taur alerta para necessidade de funcionários públicos se vacinarem

Hafoin remata diskursu, koordenadór Grupu Emprezáriu Xinés, Rudy Kwan ho ekipa Mama Bolu ne’ebé reprezenta hosi Quin Ung, entrega kedas material konstrusaun ne’e bá komandante COP A no hetan akompañamentu hosi komandante UEP no komandante BOP. #(*/rio)

 213 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “BOP Hetan Apoiu Material” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: