Timor Post (26/01/2021)—Kompania Timor Resorce ne’ebé durante ne’e hetan kontratu husi governu hodi halo perfurasaun ba mina rai maran iha área tasi mane, hatama tékniku sidadaun Indonézia na’in-7 liuhusi fronteira Suai.
Tékniku na’in-7 ne’e tanba iha loron Segunda (25/01), liu-hosi Fronteira Mota Masin Salele.
Objetivu hosi hatama sidadaun Indonézia na’in-7 mai Timor-Leste hodi bele hala’o kna’ar hanesan tékniku verifikasaun ba perfurasaun mina rai maran.
Operational Manajer Timor Resource, Luis Pereira hatete, molok haruka tékniku na’in-7 husi Indonézia ne’e tama mai Kovalima hodi halo servisu iha kampaun Timor antes ne’e Timor Resorce halo uluk pedido ba governu hodi bele hetan autorizasaun no despaisu atu bele konsulta internasional ba Timor Resource ne’e bele desloka ba Kovalima.
“Hafoin hetan aprovasaun no hetan despaixu husi Ministerio relevante mak ema sira ne’e foin ami hatama sira mai,” Operational Manajer Timor Resource Luis Esplika haktuir ba jornalista sira iha Fronteira Postu Integradu Salale, Segunda (25/01).
Relasiona ho Estadu Emerjensia hodi bandu ema labele halibur malu liu ema na’in 10 no mos Lockdown ne’ebé akontese iha nasaun lubuk ida iha mundu inklui Timor Leste, tuis Luis latak Estadu Emerjensia (EE) ne’e governu mos fo fleksibilidade aktividade Petrolifeiru bele kontinua hala’o.
“Iha Dekretu ba Estadu Emrjensia ne’e, governu mos fo fleksibilidade ba aktividade balu bele hala’o inklui mos atividade Petrilifeiru iha laran hotu, maibe molok ema sira ne’e tama mai, sira halo ona teste iha Indonézia no hetan rezultadu negativu ba moras hadaet Covid-19 mak foin haruka sira tama mai” nia dehan.
Entretantu Xefe Ekipa Pesoal Saude destakadu iha Fronteira Postu Integradu Salele Humberto Yohanes hatete governu autoriza kompania Timor Resource hodi bele hatama tékniku na’in 7 hosi Indonézia tama mai Timor Leste, parte saude hala’o deievensaun ba Covid-19 liu husi halo ezaminasaun ba sidadaun Estranjeiru na’in 7 ne’ebé governu autoriza tama area Kovalima.
“Sira ne’e mai husi zona afetadu depois liga ho ida ne’e ami halo ona Screening, ami orienta sira tenki halo distansia Sosial, fase liman, depois ami mos teste sira nia temperatura, ami halo investigasaun ba sira maibe sira laiha sintomas ne’ebé liga ho moras Covid-19,” nia hatete.
Xefe Ekipa Saude iha Fronteira ne’e hatete, sidaduan estranjeiru na’in 7 sei kumpri mos Kuarentena iha hotel Eliva ne’ebé lokaliza iha Suko Debos, Postu Administrativu Suai maibe, sei nafatin hetan kontramentu husi pessoal Saude sira.
“Kona ba Kuarentena ne’e tanba desizaun governu nian, ema sira ne’e bele halo Kuarentena iha fatin Kuarentena ne’ebé iha nanis ona ne’e mos di’ak, ba halo Kuarentena iha hotel mos mesak di’ak hotu, tanba ekipa husi saude sei nafatin ba halo kontrolu ba sidadaun sira ne’e,” nia realsa.
Entertantu estranjeiru ne’ebé Timor Resource hatama mai iha Munispiu Kovalima ho sidadaun Indonézia na’in 7 ne’e hanesan etapa ba daruk ona, no sei iha tan ekipa ba datoluk ne’ebé sei tama mai, maibe seidauk hatene los bainhira.
Jornalista Julio Salinas Soares
Editor Noémio Falcão
807 total views, 6 views today
Oinsa Ita nia Reaksaun iha Notisia Nee?
You have reacted on “Kompañia Timor Resource Hatama Tékniku Sidadaun…”
Bele hare Video Seluk :
Subscribe to Timorpost
