Timor Post (19/11/2020)-Bankada Fretilin iha Parlamentu Nasional husu ba governu atu halo ezonerasaun ba atual Embaixador Timor Leste ba Japaun Ilidio Ximenes tanba serve liu interese grupu ka oartidu duke estadu.
“Bankada Fretilin nia haree Embaixador Timor-Leste ba Japaun ka ba nasaun ne’ebe de’it hanesan raprezenta estadu iha nasaun refere. Laos reprezenta fali grupo ka partidu, liuliu utiliza rekursu estadu nian hodi halo fali ajenda partidu,” Prezidente Bankada Fretilin Francisco Miranda Branco afirma ba jornalista sira liu hosi konferensia imprensa ne’ebe halao iha sala Bankada Fretilin Parlamentu Nasionál, Kinta (19/11).
Nia afirma, embaixador nia mandatu atu reprezenta estadu Timor-Leste iha Japaun, maibe realidade hatudu katak embaixador ida ne’e laos reprezenta estadu Timor-Leste, maibe reprezenta fali grupu ka partidu.
“Ami ezije ba governu atu halo ezonerasaun imediata ba embaixador Timor-Leste iha Japaun hodi troka diplomata seluk ne’ebe reprezenta estadu Timor-Leste ho dignu,” nia dehan.
Branco hatete Fretilin haree aktu barak ona aktus ida ne’ebe ikus liu mak embaixador Timor-Leste ba iha Japaun posting iha midia sosial kona ba Xanana ko’alia iha Tokyo, Xanana hatoo Mensagen Iha Uma Building), hetan konvite husi Tokyo Parliamentary Peace Forum, organized husi Parliamentary Committee of Diet of Japan and Japan Commission on Global Governance (JCGG) Ohin 19 de Novembro 2020, Tuku 1:30 pm hodi komemora aniversário ONU ba dála 75.
“Maibe sistematikamente ami akompanha ninia atividade sira ne’e mais orientadu ba interes grupo nian laos lori estadu Timor-Leste nia interese tanba ida ne’e mak ami ajiji atu ezonera,” nia haktuir.
Entertantu relasiona ho ejizensia Bankada Fretilin Nian husu governu atu foti imediatamente hodi halo ezonerasaun ba Embaixador Timor-Leste ba iha Japaun, Timor Post tenta halo konfirmasaun ba Embaixador Ilidio Ximenes maibe seidauk hetan resposta.
(Jornalista : Julio Salinas Soares)
967 total views, 3 views today
Oinsa Ita nia Reaksaun iha Notisia Nee?
You have reacted on “Fretilin husu Governu Ezonera Embaixador Ilidio…”
Lee Mós :
Aviaun Militár Nova Zelándia hatún ona Timoroan ho Estranjeiru Na’in-45 ha Aeroportu Komoro
Bele hare Video Seluk :
Subscribe to Timorpost
