DILI-Bemvindu investor Internasionál hosi Reino Cambodia, ne’ebé hala’o vizita traballu mai Timor-Leste ho objetivu atu asina Memorandu Intendementu ba Implementasaun “Aranju-sira ba Servisu Aéreu” ka Air Service Arrangements (ASA), Entre Timor-Leste ho Reinu Kamboja.
Tuir informasaun ne’ebé Timor Post, simu hosi Autoridade Nasionál Aviasaun Timor-Leste (ANATL- EP), informa Ministru Sekretaria Aviasaun Civil ho delegasaun to iha Aeroportu Dili. Ida ne vizita traballu ho objetivu atu asina Memoradum of Understanding ba implementasaun Akordu Servisus Aéreu (Air Services Agreement) ne’ebé Governu RDTL ho Governu Reinu Camboja asina tiha iha loron 20 Outubru 2022 iha Phnom Penh, Camboja.
“Ministériu Transporte Komunikasaun ho Autoridade Avisaun Sivíl Timor-Leste (sigla portugés AACTL) mak responsabiliza ba asuntu ne’e no ninia preparasaun di’ak tebes, no ita simu delegasaun hahu hosi ohin Domingo 05 too 08 Marsu 2023,” Diretór ANA-TL,EP Joaquim hato’o informasaun hirak ne’e liuhosi media WhatsAp Domingo (05/03).
Informasaun kompletu orsida media sira bele Intervista ho Prezidente AACTL, Eusebio Freitas.
Enkuantu hosi parte MNEK nian, ne’ebé mak fó sai ona oráriu ajendamentu katak, vizita traballu investor hosi Reino Cambodia, sei simu direta hosi Timor-Leste sei reprezenta hosi Ministru Transporte no Komunikasaun, José Agostinho da Silva no hosi Reinu Kamboja sei reprezenta hosi Ministru Estadu ba Sekretariadu Aviasaun Sivíl, Sr. Mao Havannall.
Enkuantu serimónia asina memorandum ne’e sei realiza iha salaun Nobre-MNEK, iha loron 06 Marsu aban, iha oras 10.30 dader to’o remata.
2,147 total views, 3 views today
Bele hare Video Seluk :
Subscribe to Timorpost
